Ol kezde bala bitken smartfonǵa emes, «Baldyrǵan», «Ulan», «Aqjelken» basylymdaryna qaraıtyn. Iá, «Baldyrǵan» sol kúıinde, «Ulan» – «Qazaqstan pıoneri» gazeti, «Aqjelken» – «Pıoner» jýrnaly kezi.
Qalam ustaǵan nemese gazet-jýrnal oqıtyn oqýshylarǵa asa tanys sanaýly esim bar-tyn. Sonyń biri – jýrnalıst Baqyt Dosymov (1959-1998) edi.
Áli esimizde, ol kisi jas órkender basylymy men «Qazaq radıosynyń» balalar men jastar redaksııasynda talaı talanttyń jolyn ashyp júretin. Áp-ádemi, syrshyl da tabıǵı áńgimeleri, esseleri jıi jarııalanatyn.
Keıin Bákeń Baýbek Bulqyshev atyndaǵy syılyqtyń ıegeri atandy. Balalarǵa arnalǵan shyǵaramalary, ult zárýlikteri týraly maqalalary «Jas alash», «О́rken», «Ulan» gazetteri men «Baldyrǵan», «Aıgólek», «Móldir bulaq» jýrnaldarynda basylyp turdy. Qaısybiri bastaýysh synyptyń oqý quraldaryna da endi. «Ana tili» gazeti ashylǵanda, sol basylymnyń alǵashqy tilshileriniń biri boldy. Radıohabarlary da tartymdy-tyn. Júrek pen tilekti baýrap turatyn.
Búgingi jas jýrnalısterge ónege bolsyn dep aıtaıyq, Baqyt Dosymov radıojýrnalıstıkaǵa stýdent kúninen atsalysty. 1984-1998 jyldary osy salada úzilissiz qyzmet etti. Ol kezde úlkenirek reporter bolatyn. Sony asynyp alyp, jeldiń ótinde de, jurttyń ortasy men shetinde de jymıyp qana júretin.
Osyndaı belsendi de belgili qalam qaıratkeri 1998 jyly qapııada kóz jumdy...
Týǵan-týystarynyń tilegine qulaq asqan sol kezdegi Aqparat mınıstri Altynbek Sársenbaıuly súıegin týǵan topyraǵy Qaraqalpaqstannyń Jańadarııasyna jetkizýge sebepshi boldy.
Qalamgerdiń mereıtoıy qarsańynda belgili ardager radıo-rejısser Aqbol Úderbaeva: «Bizben birge Baqyt Dosymov degen óte bir talantty jigit jumys istedi, alaıda erte qaıtys bolyp ketti. О́zi boıy shap-shaǵyn jigit. «Ideıalar osynyń qaı jerinen shyǵyp jatady?» dep birjaǵy qaljyńdap, bir jaǵy tańǵalýshy edik» dep eske alsa, kýrstasy, tanymal jazýshy Jańabek Shaǵataı: «Baqyt – balalardy jaqsylyqqa, ádildikke, shyndyqqa, izgilikke sendire biletin jáne ózi de, soǵan sheksiz senetin. Qazaq halqynyń uly halyq ekenine, eldiń erteńine senetin. Qazaq tiliniń bolashaǵy zor ekenine esh kúmán keltirgen emes» dep jazdy.
Árıne, qalamger Baqyt Dosymov murasy óz zertteýshisin kútip turǵany da aqıqat. 2000 jyly janashyr azamattar onyń bir deste týyndysyn «Meıirbektiń kógershini» degen atpen kitap etip jarııalady. Az ǵana taralymmen shyqty. Jýyrda elshil azamattardyń arqasynda osy kitaptyń ekinshi basylymy jaryq kórdi. Qýanbaǵan qalamdas zamandastary, ini-qaryndastary kemde-kem.
Aldaǵy ýaqytta múddeli azamattar Baqyt Dosymovtyń radıonyń altyn qoryndaǵy materıaldary men balalar basylymdary betindegi túrli janrdaǵy jazbalaryn qunttap, taǵy da bir jeke jınaq etip jarııalaıdy dep úmittenemiz. Bul iske ákesiniń jolyn qýǵan qyzy Áıgerim de atsalysýǵa belin bekem býyp otyr.
Aıtýǵan DOSBI