Bul týraly Úkimettiń baspasóz qyzmeti málimdedi, dep habarlaıdy Egemen.kz.
Sıfrlyq damý, ınnovasııalar jáne aeroǵarysh ónerkásibi mınıstriniń buıryǵymen Ǵızzat Seıdahmetuly Baıtursynov vedomstvonyń Jasandy ıntellekt jáne ınnovasııalardy damytý komıtetiniń tóraǵasy laýazymyna taǵaıyndaldy.
Ol Malaızııanyń Azııa-Tynyq muhıty tehnologııalar jáne ınnovasııalar ýnıversıtetin jáne D.Qonaev atyndaǵy Eýrazııalyq zań akademııasyn támamdaǵan.
Kásibı mansabyn jeke kompanııada baǵdarlamashy bolyp bastaǵan.
2019 jyly Sıfrlyq damý, qorǵanys jáne aeroǵarysh ónerkásibi mınıstrliginiń Elektrondyq ındýstrııany damytý departamentinde «Jastar tájirıbesi» baǵdarlamasyna qatysty. 2020-2023 jyldar aralyǵynda atalǵan mınıstrliktiń Elektronıka ónerkásibin jáne sıfrlyq aktıvter ındýstrııasyn damytý departamentiniń sarapshysy, bas sarapshysy, basqarma dırektory, dırektordyń orynbasary qyzmetterin atqarǵan.
2023 jyldan bastap búginge deıin ICRIAP elektrondy ındýstrııany jáne sıfrlyq aktıvter ındýstrııasyn damytý departamentiniń dırektory boldy.