1-synypqa qabyldaýǵa 270 myńnan asa ótinim túsken. Bul týraly Oqý-aǵartý mınıstrligi habarlady.
О́tinim qabyldaýǵa 1 aıdan da az ýaqyt qaldy. Dálirek aıtqanda, 1-synypqa qujat qabyldaý aldaǵy 31 tamyzǵa deıin jalǵasady. Búginge deıin 275 177 ótinim túsken. Birinshi synypqa oqýshylardy qabyldaý boıynsha Aqmola, Almaty, Jetisý, Pavlodar oblystary 100 paıyz kórsetkishke qol jetkizdi. Aldyn ala boljam boıynsha 2024 jyldyń
31 jeltoqsanyna deıin 6 jasqa tolatyn balalar sany 370 myńnan asady, demek osynshama bala mektepke barady dep boljanyp otyr.
Mınıstrliktiń habarlaýynsha, azamattarǵa qolaıly bolý úshin qyzmet kórsetý tolyǵymen avtomattandyryldy. Ata-analar men balalardyń zańdy ókilderi óz ótinimderin egov.kz elektrondy portalynda, sondaı-aq jergilikti atqarýshy organdardyń aqparattyq júıeleri arqyly tapsyra alady. Birinshi synypqa balalar 6 jastan bastap (osy jyldyń sońyna deıin
6 jasqa tolatyn 5 jastaǵy balalar) ata-anasynyń nemese balanyń zańdy ókiliniń ótinishi negizinde qabyldanady. О́tinimderdi demalys pen mereke kúnderinen basqa, dúısenbiden jumaǵa deıin ótkizýge bolady. Al lıseıler men gımnazııalarǵa balalar emtıhansyz qabyldanady. Sonymen qatar mektepten mektepke tek kanıkýl kezinde ǵana aýysýǵa ruqsat etiletin shekteý alynyp tastaldy. Endi jańa erejelerge sáıkes balalar oqý jylynda turǵylyqty jeri boıynsha mektep aýystyrý múmkindigine ıe boldy.