Prezıdent Qasym-Jomart Toqaev Densaýlyq saqtaý mınıstri Aqmaral Álnazarovanyń baıandamasyn tyńdap, vedomstvonyń jumysy men densaýlyq saqtaý júıesin odan ári damytý josparlarymen tanysty.
– Prezıdentke qazir qazaqstandyqtardyń ómir súrý uzaqtyǵy 75 jastan asqany týraly baıandaldy. Jyl basynan beri 21 ınfeksııa boıynsha syrqattaný kórsetkishi tómendedi, – delingen Aqorda taratqan málimdemede.
Densaýlyq saqtaý mınıstri prezıdenttiń tapsyrmalaryna sáıkes, medısınalyq qyzmetterdiń sapasy men qoljetimdiligin arttyrýǵa nazar aýdardy. Bastapqy jáne stasıonarlyq medısınalyq kómekti uıymdastyrýdyń tásilderi qaıta qaralýda, dıagnostıka men emdeý standarttary jańartylýda, salanyń kadrlyq áleýeti nyǵaıtylýda. Medısınalyq mekemeler jumysynyń tıimdiligin arttyrý jáne mindetti áleýmettik medısınalyq saqtandyrý júıesin baqylaý úshin sıfrlyq tehnologııalar engizilip jatyr.