Sport saıystarynyń ishindegi eń tanymaly – Olımpııa oıyndary. Bul dodada jeńýdi emes, qatysýdy arman tutatyn sportshylar jeterlik. 1896 jyldan beri ótkiziletin bul jarysta adam tańǵalarlyq nebir rekordtar tirkelgen.
Jalpy, qysqy jáne jazǵy oıyndar 1994 jylǵa deıin bir jylda ótkiziletin. Keıin Halyqaralyq Olımpıada komıteti bul sporttyq jarystardyń arasyn eki jylǵa sozý kerek dep sheshti. Sodan beri olımpıadalyq oıyndar eki jyl saıyn almasyp ótip turatyn boldy. Al eń alǵash ret qysqy Olımpıada 1924 jyly Fransııanyń Shamonı qalasynda ótkizildi. Ol kezde sporttyń 5 túri boıynsha 14 jarys túrinde júldeli oryndar sarapqa salyndy. Bir qyzyǵy, Olımpıada tarıhynda qysqy ári jazǵy oıyndarǵa da qatysqan sportshylar da bolǵan.