Doktorantýraǵa qujat qabyldaý bastaldy

Ǵylym jáne joǵary bilim mınıstrliginiń habarlaýynsha, doktorantýraǵa túsý úshin bir joǵary oqý orny men bilim berý baǵdarlamalarynyń bir ǵana tobyn tańdaýǵa bola­­dy. Talapker óz ótini­shi­ne testileýdi tapsyratyn qalasy, bilim berý baǵ­dar­lamalarynyń toby, testi­leý­di tapsyrý tili boıynsha qujat qabyldaý merzimi aıaq­tal­ǵan­sha, naqtyraq aıtqanda, 3 ta­myzǵa deıin ózgerister engi­zýge quqyly. Testileýdi ótki­zý orny men ýaqyty týra­ly aqparatty túsýshi tirkel­gen saıttaǵy óziniń jeke ka­bı­ne­tin­de 9 tamyzda kóre alady.

Túsý emtıhanyna áńgi­me­le­sý, esse jazý jáne bilim berý baǵdarlamasy tobynyń beıini bo­ıynsha emtıhan kiredi. Jal­py, túsý emtıhanynyń eń joǵary kórsetkishi – 100 ball, onyń ishinde áńgimelesý – 30 ball, esse – 20 ball, be­ıini boıynsha emtıhan – 50 ball. Al memlekettik bilim berý tapsyrysy boıynsha kon­kýrs­qa qatysý úshin jáne aqy­ly negizde doktorantýraǵa túsý úshin shekti ball 75-ti quraıdy.

Doktorantýraǵa túsý úshin QazTest júıesi boıynsha memlekettik tildi meńgergenin rastaıtyn sertıfıkat jáne shet tilin meńgergenin rastaıtyn sertıfıkat usyný qajet. TOEFL ITP sertıfıkaty bar tulǵalar testileý bastalǵanǵa deıin aǵylshyn tilin bilýge arnalǵan qosymsha testileýdi tapsyrady. Atap ótsek, 2024 jyly shet tilin meńgergenin rastaıtyn sertıfıkattardyń shekti deńgeıleri B1-ge deıin tómendetildi jáne tizimge TOEIC jáne Duolingo English Test sertıfıkattary engizildi.

Bıyldan bastap túsýshi­ler­diń beıini boıynsha doktor­lar baǵdarlamasyna dokto­ran­týraǵa túsýge múmkindik bar. Bul baǵdarlama úshin shet tilin meńgergenin rastaıtyn sertıfıkattyń belgili bir deńgeıi talap etilmeıdi, emtı­handa esse jazbaıdy. Eń jo­ǵary kórsetkish – 80 ball, onyń ishinde áńgimelesýge – 25 ball, kásiporyndar men uıym­dardyń usynys hatyna (bol­ǵan jaǵdaıda) – 5 ball jáne beıini boıynsha emtıhan suraqtary – 50 baldy quraıdy. Shekti deńgeı – keminde 50 ball.