Arbakesh qarııa balalar úıine 80-nen astam kólik syılaǵan

Tatarstannyń Edil men Qazan (Kazanka) ózeni túıisken jerdiń dóńinde Tatarstannyń Kremli tur. Osy saıası salmaqty, tarıhı kórnekti orynda qarapaıym arba jekken qarııaǵa arnaıy eskertkish ornatylǵan. 

Syrttaı qaraǵanda prototıpi halyq arasyndaǵy belgisiz qarııa bolyp kóringenmen, onyń ǵumyrynda jasaǵan erligi eskertkish ornatýǵa turarlyq.

Asgat Galımzıanov (Ashat Ǵalymjanov) 1936 jyly qarapaıym eńbek adamynyń shańyraǵynda dú­nıege kelgen. Ol joǵarǵy oqý ornynda oqymaı, áskerden soń biraz ýaqyt mılısııa bolyp qyzmet etedi. Bul kásipti qolaı kórmeı, bazarda arba aıdaýǵa kóshedi. Qyzmeti bazardaǵy qaldyqtardy bir-eki qyr asyryp tógip tastaý. Osylaı arba aıdaı júrip, Tatarstannyń túkpir-túkpirindegi balalar úıine qalaı 80 -nen astam kólik syılaǵanyn Aıtýǵan Dosbı gazetimizdiń búgingi sanynda jaryq kórgen maqalasynda tarqata jazady. 

«Bir kúni oı keledi: «Nege muny malǵa bersem, saýap is qoı» degen. Sirá, ol kez­de qala ishinde mal baǵýǵa tyıy­m salsa kerek. Sodan úıiniń mańynan úlken ári keń jertóle qazyp, jasyryn qara mal asyraıdy. Jem-shóbi – bazardyń sý tegin qalǵan-qutqany. Bul be­rekeli kásip bolady. Qora­syn aınadaı taza ustaıdy. Kere­met baııdy. «Aqshasyn qaı­da jibergen?» deısiz ǵoı. Ta­tarstan, Bashqurtstan, Shýbash­stan respýblıkalarynyń bala­lar úıine aýdaryp otyrǵan. Beı­bitshilik, Chernobyl, t.b. qor­laryna salǵan qarjysy ta­ǵy bar. 90-jyldary tótennen eko­nomıkalyq daǵdarys kelgende, Qazannyń №1 balalar úıine «Nıva» kóligi men avtobýs satyp alyp beredi. Jemis-jıdek piskende jas órimder qýansyn dep ýyljyǵan ónimdi arbalap ákelip, tartý etetin uqsaıdy».

Onyń el aýzyndaǵy taǵy bir erligi Qazaqstanmen baılanysty. Tolyǵyraq «Izgi arbakesh» maqalasynan oqı alasyzdar.