Donorlyq aǵzalardy uzaq ýaqyt kútken 4 pasıentke transplantattaý boıynsha sátti operasııalar jasaldy, dep habarlaıdy Egemen.kz DSM baspasóz qyzmetine silteme jasap.
Jol kólik oqıǵasy saldarynan jan tapsyrǵan 18-degi jigittiń aǵzalaryn alýǵa týystary kelisim bergen.
Densaýlyq saqtaý mınıstrliginiń málimetinshe DSM-niń Transplantattaýdy jáne joǵary tehnologııalyq medısınalyq qyzmetterdi úılestirý jónindegi respýblıkalyq ortalyǵy (TJTMQÚRO) donorlyq jáne transplantattaý prosesin jedel uıymdastyrýdy júzege asyryp, baýyr, júrek, eki búırek alynǵan.
25 shildede mamandar aǵzalardy transplantattaý boıynsha sátti operasııalar júrgizgen.
Shymkent qalasynyń júrek ortalyǵynda 1966 jyly týǵan pasıent jańa júrekke ıe bolsa, A.Syzǵanov atyndaǵy Ulttyq ǵylymı hırýrgııa ortalyǵynda 58 jastaǵy pasıentke baýyr transplantattaldy. Túrkistan oblystyq klınıkalyq aýrýhanasynda 1984 jyly týǵan pasıent jańa búırek alyp, University Medical Center klınıkasynda 16 jastaǵy bozbalaǵa ekinshi búırek transplantattaldy.