8-13 qyrkúıek aralyǵynda elordada 5-shi Dúnıejúzilik kóshpeliler oıyndary ótedi. Jarys ótetin sport nysandarynyń biri – J.Úshkempirov atyndaǵy Jekpe-jek saraıy. Munda ulttyq kúres túrleri boıynsha jarystar ótedi: qazaq kúresi, koresh jáne alysh, dep habarlaıdy Egemen.kz.
Sport kesheni 2021 jyldyń 8 qyrkúıeginde Qabanbaı batyr dańǵyly men Kereı men Jánibek handar kósheleriniń qıylysynda el Táýelsizdiginiń 30 jyldyǵyna oraı ashyldy.
Jaqsylyq Úshkempirov – klassıkalyq stıldegi balýan, Olımpıada chempıony, Qazaqstannyń Eńbek Eri, eńbek sińirgen sport sheberi, álem chempıony, Qazaqstannyń eńbek sińirgen jattyqtyrýshysy.
Jekpe-jek saraıy 3 294,6 sharshy metrlik zamanaýı arenamen jáne 5000 kórermenge arnalǵan syıymdylyqpen jabdyqtalǵan. Munda respýblıkalyq jáne halyqaralyq deńgeıdegi jarystar men chempıonattar ótkiziledi.
Saraı sonymen qatar arbamen qozǵalatyndarǵa arnalǵan arnaıy oryndarmen, sondaı-aq arenaǵa kirý úshin panoramalyq lıftpen jabdyqtalǵan.
Eske sala keteıik, oıyndarǵa álemniń 89 elinen 2000-ǵa jýyq sportshy qatysady.
Oıyndar úsh baǵyt boıynsha ótedi – sport, mádenıet jáne ǵylym.
Dúnıejúzilik kóshpendiler oıyndarynyń ınfraqurylymyna elordalyq 6 nysan kirdi: "Astana-Arena" stadıony, "Qazanat" ıppodromy, J.Úshkempirov atyndaǵy Jekpe-jek saraıy, "Alaý" muz saraıy, "Qazaqstan" jeńil atletıkalyq sport kesheni, "Dýman" kesheni.