ASTANA. 12 maýsym. Reseıdiń memlekettik arhıv dırektory Sergeı Mıronenko 28 panfılovshylar erligin qııal dep atady. Muny ol Máskeýdegi Reseı baspasóziniń halyqaralyq kongresinde aıtty. Bul týraly «Azattyq» radıosy habarlady.
«Qııalǵa senýdi qoıý kerek. Dýbosekov túbinde 50 nemis tankisin toqtatqan eshqandaı 28 panfılovshylar bolǵan joq. Sondaı-aq Vasılıı Klochkovtyń: «Reseı - ulan-ǵaıyr, biraq sheginerge jer joq – artymyzda Máskeý!» dep aıtty degeni de jalǵan. Ony «Krasnaıa zvezda» basylymynyń ádebı hatshysy Aleksandr Krıvıskıı oıdan qosyp jibergen. Erlik tarıhyn da oıdan shyǵarǵan. Muny áskerı prokýratýra 1948 jyldyń ózinde anyqtaǵan. Alaıda, rasymen sheginerge jol bolmaǵasyn, materıaldy qupııa etip basyp tastaǵan. Osylaısha ańyz elde óz tirshiligin bastap ketti», - dedi Mıronenko.
Onyń málimdemesin tyńdarmandar ártúrli qabyldady. Reseı memarhıvi dırektorynyń kózqarasyn TASS dırektorynyń orynbasary ári orys baspasózi halyqaralyq kongresiniń basshysy Aleksandr Kleın qoldady.
Sol arada kongreske kelgen qazaqstandyq baıandamashy bul erliktiń kýágeri baryn alǵa tartty.
«Men Qazaqstannan, Astanadanmyn. Bizde bul erliktiń kýágeri, Keńes Odaǵynyń batyry bar. «Dýbosekov» stellasy bar – ol alynyp tastala ma?», - dep surady ol.
«Shyndyqty aıtý – meniń adamgershilik jaýapkershiligim. Bul zertteýlerdi aıtqanym úshin maǵan patrıot emessiń degender de bar. Ne isteıin! Shyndyqty aıtý qashanda aýyr», - dep jaýap qaıtardy oǵan Mıronenko.
О́z kezeginde Latvııadan kelgen jýrnalıst baıandamashy Mıronenkodan adamgershilik jaýapkershiligi týraly surady.
«Siz Dýbosekov týraly shyndyqty jarııa etip, osy erlikti qurmet tutatyn Qazaqstan men Reseıdiń qarym-qatynasyn suraqqa qoıýyńyzben óz adamgershilik jaýapkershiligińizdi sezine alasyz ba?! Siz eki el qarym-qatynasyna qanshalyqty qaıaý túsirip turǵanyńyzdy túsinesiz be?!», - dep suraqqa aldy jýrnalıst.
Aıta keterligi, is-sharaǵa buǵan deıin áleýmettik jelide Qazaqstan jaıly arandatýshylyq aqpar taratqan «Eho Moskvy» radıosynyń bas dırektory Alekseı Venedıktov ta qatysqan.
«Panfılovshylardyń joq bolǵanyn estigende, men de eseńgirep qaldym. Biz mektepte 28 esimdi jattap júretinbiz. Biraq túsine bilý kerek. Eger olar bolmasa – shynymen bolmaǵany. Shyndyq qashanda ashylady. Eger qujat bar bolsa ony jarııa etý kerek», - dep dedi Venedıktov.
Talǵat Raıymbek.
Derek, sýret: Azattyq.