Aqparat álemin ǵalamtor bılep-tóstegen búginde halyqtyń kitap oqýǵa yntasyn arttyrýǵa jańa ádis-tásilder men zamanaýı kózqaras qajet. Naǵyz bilim qaınarynyń mártebesin qaıtarý maqsatynda Bórli aýdanynyń ortalyqtandyrylǵan kitaphanalar júıesinde «Jyljymaly kitaphana» ataýymen jańa joba qolǵa alyndy. Atalǵan joba aıasynda kóptegen kitaphanada is-sharalar qarqyndy túrde uıymdastyrylyp jatyr.
«Jyljymaly kitaphana» jobasynyń maqsaty – kitaphanadan tys oqyrmandarǵa qyzmet kórsetý, oqyrmandarǵa saralap qyzmet kórsetýge arnalǵan olardyń suranystaryn qanaǵattandyrý jáne kitaphana qyzmetteri men kitapty paıdalaný arqyly halyqty tartý.
Jyljymaly kitaphana aýdan turǵyndarymen, mekemelerimen, qarııalarmen tyǵyz qarym-qatynasta jumys jasaıdy. Kitaphanashylar ár on kún saıyn qordaǵy kitaptardy aparyp, almastyryp otyrady. Qazirgi ýaqytta kórkem ádebıetter oqyrmandardyń suranysyna ıe bolyp tabylady jáne ár úı otbasymen oqıdy. Kitaphanashylar mekemelerge «kitaphanadan ne alyp oqýǵa bolady?» degen usynystarymen, ádebıetter sholýymen jáne árıne, kitappen barady.
Jyljymaly kitaphana jumysynyń josparynda ádebıetterdi mekemelerge aparý, is-sharalardy uıymdastyrý, merzimdi basylymdarmen tanystyrý, oqyrmandardyń tapsyrystary boıynsha jumystar bar. Abonement kitaphanashylary kitap barynsha oqyrmanǵa jaqyn bolý úshin qamqorlyq etedi, sondaı-aq oqyrmandardyń suranysyna qajetti ádebıetterdi jınaqtaıdy. Osyndaı qyzmet túrine aýdanymyzdaǵy «Belsendi uzaq ómir súrý ortalyǵy», «Jumyspen qamtý ortalyǵy», «Bórli aýdandyq aýrýhanasynyń emhanasy», «Nurdáýlet» bıznes ortalyǵy jáne taǵy da basqa ortalyqtardyń qyzmetkerleri qol jetkizdi. Kópshiliktiń kitapqa degen yntasy zor ekeni baıqalady. О́ıtkeni kóptegen kitapty sol jerden óz attaryna jazdyryp, úıine oqýǵa alady. Iá, shyndyǵynda kúndelikti tirshilikte jumystan qoly tıe bermeıtin, kitap oqýǵa yntasy bolsa da, kitaphanaǵa kelýge múmkindigi joq kópshilik úshin kitaphana qyzmetkerleri jyljymaly kitaphana jobasynyń jumysy baǵytynda aldaǵy ýaqytta da barlyq mekemege uıymdastyrýdy qolǵa alyp otyr.
Janar Nııarova,
Kitaphana isin damytý bóliminiń ádiskeri
Batys Qazaqstan oblysy