AQTAÝ. 12 maýsym. Aqtaýda ózin-ózi óltirýge árekettengen kásipkerdi aımaq basshysy Alık Aıdarbaev qabyldaýda. Bul týraly lada.kz saıtyna silteme jasaǵan egemen.kz tilshisi habarlady.
Búgin Mańǵystaý oblystyq ákimdiginiń ǵımaratynda dúrbeleń týdy. Kásipker, Aqtaýda ótken jyly súrilgen «Ravıl» kafesiniń ıesi, «óz kásibiniń tyǵyryqqa tirelýine Mańǵystaý oblysyndaǵy jemqorlardyń áseri boldy» dep sanaıtyn Baqtııar Masımov Mańǵystaý oblysynyń ákimdiginde ózin-ózi órteıtindigin aıtqan bolatyn. Onyń qoldaýshylary – uly men advokaty Masımovtyń óler aldyndaǵy kinálaý haty jazylǵan plakatty kóterip turdy. Budan basqa ákimdik aldyna kafede jumys jasaǵan birqatar adamdar kelgen. Kafe ákimshiligi Maıra Tutqabaeva Baqtııardyń eńbegi adal ekendigin aıtyp, kafeniń súrilý saldarynan 17 adamnyń jumyssyz qalǵandyǵyn aıtty. Plakat kótergen eki er adam men Maırany polısııa qyzmetkerleri alyp ketti.
Gúlaıym Shyntemirqyzy.
Derek, sýret: lada.kz.