ALMATY. 12 maýsym. Aqsý-Jabaǵyly memlekettik qoryǵy IýNESKO-nyń dúnıejúzilik bıosferalyq qoryqtary tizimine endi. Maýsym aıynyń 8-12 aralyǵynda Parıjde ótken IýNESKO-nyń "Adam jáne bıosfera" baǵdarlamasy úılestirý keńesiniń kezekti otyrysy osyndaı sheshimge keldi. Bul týraly newtimes.kz habarlady.
Osylaısha Dúnıejúzilik bıosferalyq qoryqtar tizimine álemniń 10 memleketinen jańadan 20 nysan qosyldy. Aqsý-Jabaǵyly qoryǵy batys Tıan-Shan taýynda, Qarataý qalasynan ońtústikke qaraı ornalasqan, aýmaǵy 357 myń gektardan asady. Qoryqta barlyq qustardyń 48 paıyzy men omyrtqaly janýarlardyń 72,5 paıyzy mekendeıdi. IýNESKO túsindirmesinde "Qoryq álemdegi qustardy baqylaýǵa eń qolaıly jerlerdiń biri sanalady jáne ekotýrızmdi damytýǵa áleýeti jetkilikti" delingen.
Talǵat Súıinbaı.
Derek, sýret: newtimes.kz.