Eger bala ata-anasynyń nemese zańdy ókilderiniń qaraýynsyz beımezgil ýaqytta syrtta júrse, polısııa bólimine jetkiziledi, dep jazady Egemen.kz aqparat agenttigi.
Saǵat 22:00 men tańǵy 6:00 aralyǵynda balalarǵa oıyn-saýyq oryndarynda jalǵyz júrýge bolmaıdy.
Sondaı-aq, saǵat 23:00 tańǵy 6:00 deıin kámeletke tolmaǵandarǵa kóshede zańdy ókilderdiń qaraýynsyz júrýine tyıym salynǵan.
- Osy ýaqytta balalar aýlada otyrsa, úıinen 5 metr qashyqtyqta ornalasqan dúkenge barsa, polısııa onyń túngi júrisiniń sebebi men zańdy ókilderin anyqtaýǵa mindetti.
Kámeletke tolmaǵandardyń túngi ýaqytta oıyn-saýyq oryndarynda nemese úıden tys jerde qaraýsyz bolǵany úshin ata-analary men zańdy ókilderine aıyppul salynady, - dep eskertti polısııadan.
Oıyn-saýyq oryndarynda júrse - 3 AEK kózdelgen. Al úıden tys jerde júrse aldymen eskertiledi. Eger mundaı derek 1 jyl ishinde qaıtalansa - 7 AEK aıyppul qarastyrylǵan.
Beımezgil ýaqytta balanyń oıyn–saýyq oryndarynda bolǵany úshin ıesine de aıyppul salynady.