Emhanalar men stasıonarlardaǵy medısınalyq kómekke qoljetimdilikti arttyrý maqsatynda densaýlyq saqtaý mınıstrligi halyqaralyq standarttarǵa saı dıagnostıkalyq rásimderdi ońtaılandyrý jumystaryn júrgizdi, dep habarlaıdy Egemen.kz mınıstrliktiń baspasóz qyzmetine silteme jasap.
Mınıstrliktiń habarlaýynsha, jańa standartqa sáıkes jalpy tizimde stasıonarlyq jaǵdaıda somatıkalyq beıindegi naýqastardy emdeýge qajet negizgi 13 zertteý anyqtalǵan.
Sondaı-aq birqatar zerthanalyq aspaptyq zertteýler nátıjeleriniń jaramdylyq merzimi 10 kúnnen 14 kúnge deıin, 1 aıdan 6 aıǵa deıin uzartylǵan. Bul gospıtalızasııaǵa daıyndyq úderisin aıtarlyqtaı qysqartýǵa septigin tıgizetini atap ótildi.
Osylaısha, dıagnostıkalyq rásimderdi standarttaý men ońtaılandyrý qajetsiz shyǵyndardy azaıtyp, halyqtyń qaltasynan shyǵatyn aqshany tómendetýge baǵyttalǵan. Ol ózgerister medısına resýrstaryn tıimdi paıdalanyp, naýqastarǵa túsetin júktemeni azaıtýǵa yqpal etedi.