Astanada jas mamandarǵa arnalǵan «Jas keñes sı ylyğy» syılyǵynyń ıegerleri anyqtaldy. Marapat bıyl alǵash ret taǵaıyndalyp otyr. Prezıdent janyndaǵy Jastar saıasaty jónindegi keńes músheleri bastamashy bolǵan is-sharaǵa Memlekettik keńesshi Erlan Qarın, Bala quqyqtary jónindegi ýákil Dınara Zakıeva, Májilis depýtattary, belgili sportshylar men qoǵam qaıratkerleri jáne jastar ókilderi qatysty.
Eldiń údemeli ilgerileýi barlyq azamattyń jasampaz kúsh-jigerine baılanysty. Eger árkim óz aýmaǵynda jumysyn jaýapkershilikpen jáne sapaly oryndaıtyn bolsa, onda el kez kelgen maqsatqa qol jetkize alady.
Syılyqtyń bastamashylary bul jobanyń maqsaty qoǵamnyń mańyzdy salalarynda jumys isteıtin, óńirlerdegi kishi jáne orta býyn jas mamandardy kótermeleý ekenin aıtady. Sondaı-aq bul syılyq áleýmettik mańyzy bar jáne jumysshy kásipteriniń bedelin arttyrýǵa yqpal eteri anyq.
Jeti atalym boıynsha ótken konkýrsqa 700-den asa ótinim berilgen. Nátıjesinde, ár atalym boıynsha eki jeńimpazdan marapattaldy. Atap aıtsaq, «Önerkäsıp» atalymy boıynsha «О́skemen JEO» JShS qazandyq jabdyǵynyń aǵa mashınısi Ernur Toqyshov jáne «Qarmet» AQ kómir departamenti energokómir bólimshesiniń 4-razrıadty jerasty elektroslesary Rýslan Ǵumarov laıyq dep tanyldy.
«Janqiarlyq» atalymynda Almaty oblysy Eńbekshiqazaq aýdany Shelek polısııa bóliminiń jergilikti polısııa qyzmeti bólimshesiniń ýchaskelik ınspektory Ermek Aýǵambaev pen Aqtóbe oblystyq Tótenshe jaǵdaılar departamentiniń mamandandyrylǵan órt sóndirý bóliminiń aǵa ınjeneri Jubanysh Samatov marapattaldy. Al Ekibastuz qalasynyń «Gorvodokanal» MKK ınjener-zerthanashysy Aleksandra Erjanova men Pavlodar qalasynyń «GSÝ Qurylys» JShS sylaqshy-boıaýshysy Zarına Zkrııanova «Bızdıñ üi» atalymynda «Jas keñes sıylyğy»-nyń jeńimpazy atandy.
Sondaı-aq «Kömek qoly» atalymynda «Qoǵamdyq densaýlyq saqtaý» baǵdarlamasy boıynsha «JMJM» Qazaqstan medısınalyq ýnıversıtetiniń doktoranty, almatylyq Gúlmıra Mukasheva men «Jambyl oblysynyń Jastar máslıhaty» QB tóraǵasy Azamat Namelbek syılyq ıegeri boldy. Almaty qalasy Jumyspen qamtý jáne áleýmettik baǵdarlamalar basqarmasynyń «Jan Saıa» daǵdarys ortalyǵy» KMM arnaýly áleýmettik qyzmetterge qajettilikti baǵalaý jáne anyqtaý jónindegi áleýmettik qyzmetkeri Zýlfııa Ýmarova jáne «Qostanaı qalasy ákimdiginiń jumyspen qamtý jáne áleýmettik baǵdarlamalar bólimi» MM «Áleýmettik qyzmetter kórsetý ortalyǵy» KMM psıhonevrologııalyq aýrýlary bar 18 jastan asqan múgedek balalar men múgedekterge kútim jasaý jónindegi áleýmettik qyzmetkeri Iýrıı Vagın «Adamgerşılık» atalymynda top jardy.
«Altyn jürek» atalymynyń úzdikteri – «О́mirge sen» QQ janyndaǵy ońaltý, respıratorlyq qoldaý jáne pallıatıvtik kómek ortalyǵynyń medbıkesi Shyryn Amantaeva men «Almaty oblysynyń densaýlyq saqtaý basqarmasy» memlekettik mekemesiniń «Oblystyq jedel jáne shuǵyl medısınalyq kómek stansııasy» ShJQ MKK aǵa feldsheri Darhan Baqytkeldi.
Shymkent qalasy Abaı Qunanbaev atyndaǵy mekteptiń hımııa pániniń muǵalimi Baljan Ámiráli jáne Astana qalasynyń №87 «Qadyr» balabaqshasynyń tárbıeshisi Dana Kýıanbaeva «Bolaşaq turaly qamqorlyq» atalymynda «Jas keñes sıylyğy» syılyǵyn jeńip aldy.
Aıta ketý kerek, syılyqtyń ózi men júlde qoryn Jastar saıasaty jónindegi keńes músheleri quryp, uıymdastyrǵan.