Qaıǵyly oqıǵa Qostanaı oblysyndaǵy «Qostanaı-Áýlıekól-Surǵan» tasjolynyń 82-shi shaqyrymynda boldy. Jolaýshylar kóligi júk kóligimen soqtyǵysyp, saldarynan Kamaz júrgizýshisi qaza tapty, dep habarlaıdy Egemen.kz.
Oblystyq polısııa departamentiniń habarlaýynsha, «Volkswagen Polo» kóliginiń 49 jastaǵy júrgizýshisi kafe turaǵynan úlken jolǵa shyǵyp ketip, Kamaz-ǵa soqtyǵysqan, ol soqqynyń saldarynan jol boıynda turǵan basqa MAZ-650108 júk kóligine soǵylǵan.
Oqıǵa saldarynan 37 jastaǵy Kamaz júrgizýshisi alǵan jaraqattarynan aýrýhanada kóz jumǵan. Al onyń jolaýshy ornynda otyrǵan 12 jastaǵy uly túrli dene jaraqattaryn alǵan.
Atalǵan fakti boıynsha polıseıler sotqa deıingi tergeý amaldaryn júrgizip jatyr. Tıisti saraptamalar taǵaıyndaldy.