Bıyl 8-12 shilde aralyǵynda medısınalyq uıymdardy akkredıtteý jónindegi Halyqaralyq birikken komıssııasy (Joint Commission International) Almatydaǵy Kardıologııa jáne ishki aýrýlar ǵylymı-zertteý ınstıtýtynyń qyzmetin tekserip, halyqaralyq standarttarǵa saı ekendigin taǵy da rastady, dep jazady Egemen.kz.
Qazaqstan ınstıtýty alǵash ret osyndaı aýdıtten 2021 jyly ótken, alaıda kórsetiletin kómektiń sapasy men qaýipsizdiginiń joǵary standarttaryn saqtaý úshin JCI akkredıtteý úsh jyl saıyn júrgiziledi.
JCI standarttary boıynsha barlyq bólimsheler men prosester, ıaǵnı pasıentterdi emdeý jáne kútý tásilderi, olardyń qaýipsizdigi men quqyqtarynyń saqtalýy, ǵımarattyń qaýipsizdigi, dári-dármekpen jumys isteý, ınfeksııalyq qaýipsizdik, kadrlarmen qamtamasyz etý, táýekelderdi basqarý, bilim berý jáne ǵylymı prosester, medısınalyq jáne ákimshilik personaldyń pasıentterge jeke kózqarasy baǵalanady. Qaýiptiligi joǵary dári-dármekpen durys jumys isteý, olardy tańbalaýǵa jáne saqtaýǵa, ınsıdentterdi basqarýǵa, aýrýhanaishilik ınfeksııalardyń, qulaý saldarynan jaraqat alý qaýpin azaıtýǵa erekshe nazar aýdaryldy.
JCI halyqaralyq akkredıtteý barysynda aýdıtorlar ınstıtýttaǵy barlyq medısınalyq qyzmet pen jasalǵan jaǵdaıdy pasıenttiń kózqarasymen baǵalaıdy.
Halyqaralyq komıssııa músheleri ınstıtýtta joǵary deńgeıdegi mamandar pasıentterge sapaly kómek kórsetýde mýltıdıssıplınarlyq tásildi qoldanyp, ózara baılanysty úderisterde komandanyń úılesimdi jumys atqaratynyn atap ótti.
Aýdıtorlar toby ınstıtýtta qoldanylatyn tıimdilik pen sapanyń jekelegen ındıkatorlaryn – mysaly, qant dıabetine shaldyqqan júkti áıelderdi emdeý tájirıbesi, kardıoreabılıtasııa kezeńderi arasyndaǵy sabaqtastyq ólshemderi, ishektiń endoskopııaǵa daıyndyq sapasynyń kórsetkishteri men taǵy basqasyn JCI halyqaralyq kitaphanasyna berýge sheshim qabyldady. Osynaý ozyq tájirıbe álemdik medısınalyq uıymdar arasynda taralyp, tájirıbe almasý men medısınalyq qyzmetterdiń sapasyn arttyrýǵa yqpal etedi.
Klınıkanyń jumysy 1110-nan astam kórsetkish boıynsha baǵalanyp, tek 10-y boıynsha tekserý barysynda joıylǵan eleýsiz eskertýler anyqtalǵan.
S.Asfendııarov atyndaǵy QazUMÝ rektorynyń aıtýynsha, reakkredıtteý – qaıta akkredıtteýden ótýden áldeqaıda qıyn.
Osy oraıda KIAǴZI Basqarma tóraǵasy Marat Pashımov óz qyzmetkerlerine alǵys aıta kele: «JCI standarttary densaýlyǵy men ómirin bizge senip tapsyrǵan pasıentterdiń kútimi men qaýipsizdigine baǵyttalǵan. JCI akkredıtasııasy pasıentterge klınıkaǵa senim artýǵa bolatynyn aıǵaqtaıdy. Biz JCI usynatyn quraldardy paıdalana otyryp, qyzmetterdiń sapasyn únemi jaqsartýǵa tyrysamyz», deıdi.
Sapany basqarýdyń júıeli tásili uıym qyzmetiniń tıimdiligin arttyrýda yqpaly úlken. Muny sońǵy jyldary klınıkada klınıkalyq kórsetkishterdiń jaqsaryp, pasıentterdiń medısınalyq kómektiń sapasyna kóńili tolyp, ólim-jitim azaıǵanynan, dári-dármekterdiń shıpasynyń arta túskeninen de ańǵarýǵa bolady.