«Qazgıdromet» RMK 22 tamyzǵa arnalǵan aýa raıy boljamyn jarııalady, dep habarlaıdy Egemen.kz.
Sınoptıkterdiń boljamynsha, respýblıkamyzdyń batysynda, ońtústiginde ǵana jaýyn-shashynsyz aýa raıy kútiledi.
«Soltústik-batys sıklonynyń yqpalymen Qazaqstannyń basym bóliginde turaqsyz aýa raıy sıpaty saqtalady. Naızaǵaı oınap, burshaq túsedi, qatty jel turady, jańbyr jaýady, soltústik-batysta, shyǵysta, elimizdiń ortalyǵynda qatty jańbyr jaýady dep kútiledi. Sondaı-aq elimizdiń soltústiginde, soltústik-batysynda, ortalyǵynda túnde jáne tańerteń tuman bolady. Kúndiz Atyraý, Batys Qazaqstan oblysynyń ońtústiginde qatty ystyq kútiledi», delingen habarlamada.
Sondaı-aq Atyraý, Abaı oblystary, Ulytaý óńiriniń soltústiginde, Batys Qazaqstan oblysynyń shyǵysynda, ortalyǵynda, Mańǵystaý óńiriniń batysynda, ońtústik-shyǵysynda, Qyzylorda oblysynyń soltústik-batysynda, Shyǵys Qazaqstan oblysynyń soltústik-batysynda órt qaýpi joǵary bolady.
Qyzylorda, Túrkistan, Jambyl oblystarynda, Almaty óńiriniń batysynda, Mańǵystaý oblysynyń soltústiginde, soltústik-batysynda, Atyraý óńiriniń ortalyǵynda, ońtústik-batysynda, ońtústiginde, soltústik-shyǵysynda, Shyǵys Qazaqstan oblysynyń ońtústiginde, ortalyǵynda, Qaraǵandy óńiriniń ońtústiginde, Ulytaý oblysynyń ońtústiginde, Abaı oblysynyń batysynda, soltústik-batysynda, ońtústiginde, Batys Qazaqstan oblysynyń ońtústiginde tótenshe órt qaýpi saqtalady.