Qoǵamǵa zalaly kóp kesel

Sybaılas jemqorlyqqa qarsy is-qımyl agenttigi ótken aptada elimizde jemqorlyq jasap qolǵa túsken basshylardyń málimetterin jarııalady. Sonyń biri – Soltústik Qazaqstan oblysy boıynsha Qylmystyq atqarý júıesi departamentiniń basshysy A.Mustafınovke qatysty qylmystyq is. О́tken aptada Petropavl qalalyq soty kúdiktige qatysty úkim shyǵardy.

Departament basshysyna deldal arqyly oblystaǵy qylmystyq atqarý júıesi mekemelerine un jetkizý maqsatynda memlekettik satyp alý shartyn jasasýǵa járdemdeskeni úshin kásipkerden 1 mln teńge mólsherinde para aldy degen kiná taǵylǵan. Sot úkimimen A.Mustafınov memlekettik qyzmette jáne kvazımemlekettik sektor sýbektilerinde qyzmet atqarý quqyǵynan ómir boıyna aıyrylyp, oǵan 30 mln teńge mólsherinde, al para berýshi men deldalǵa tıisinshe 20 mln jáne 10 mln teńge kóleminde aıyppul salyndy. Qazirgi tańda úkim zańdy kúshine engen joq.

Sonymen qatar Ishki ister mınıstriniń buıryǵymen tıisti vedomstvolyq baqylaý men profı­laktıkalyq jumystyń bolmaǵany úshin Qylmystyq atqarý júıesi komıtetiniń bas­shylyǵy tártiptik jaýap­kershilikke tartyldy. Atap aıtqanda, komıtet tóraǵasy, ádilet polkovnıgi T.Jánibekovke sógis, onyń orynbasary, ádilet general-maıory M.Aıýbaevqa, ózindik qaýipsizdik, kadrlyq jumys jáne tyldyq qamtamasyz etý basqarmalarynyń bastyqtaryna qatań sógis jarııalandy. Osy buıryqpen A.Mustafınov teris sebeptermen ishki ister organdarynan bosatyldy.

Taǵy bir jemqorlyq oqıǵasy Mańǵys­taý oblysynda tirkeldi. Túp­qara­ǵan aýdandyq soty Mań­ǵystaý oblysy Jumys­pen qamtýdy úılestirý jáne áleý­mettik baǵdarlamalar bas­qarmasynyń «Eńbek mobıldiligi ortalyǵy» KMM dırektory M.Qaıranbaevqa qatys­ty úkim shyǵardy. Ol О́zbek­stan Respýblıkasy azamatynan jumysqa ornalasýǵa járdemdesý syl­­taýymen 200 myń teńge mól­she­rin­de aqsha qarajatyn alaıaqtyq jol­men jymqyrǵany úshin kináli dep tanyldy. Sot úkimimen oǵan 2 jyl 4 aı merzimge bas bostan­dy­ǵynan aıyrý jazasy taǵaıyndaldy.

Sondaı-aq sottalǵan adam mem­le­ket­tik qyzmette jáne kvazı­mem­lekettik sektor sýbekti­lerinde qyzmet atqarý quqy­ǵynan ómir boıyna aıyryldy. Qazirgi tańda úkim zańdy kúshine engen joq.

Búginde paraqorlyq qylmysy mysaldaryn qoǵamnyń barlyq salasynan tabýǵa bolady. «Batpandap kirgen aýrý mysqaldap shyǵady» demekshi, jemqorlyq keseli­nen de áp-sátte aıyǵý múm­kin bolmaı tur. Sonyń bir mysaly – qazirgi tańda Mań­ǵystaý oblysy boıynsha Sybaı­las jemqorlyqqa qarsy is-qı­myl departamenti «Qazaq gaz óńdeý zaýyty» JShS dırektoryna qatysty sotqa deıingi tergeý júr­gizip jatyr. Ol aýksıon ótkizbes­ten zańsyz satý arqyly kásiporyn­nyń múlkin asa iri mólsherde jym­qyrdy degen kúdikke ilingen. Zalal kólemi – 65 mln teńge.

Búginde sottyń sanksııasymen kúdikti qamaýǵa alynyp, tergeý jal­ǵasyp jatyr. Qylmystyq-prosestik kodekstiń 201-babyna sáıkes ózge aqparat jarııa etýge jatpaıdy.

Al Qyzylorda oblysynda Ekonomı­kalyq tergeý departa­menti basshysynyń burynǵy orynbasary A.Qasymbaev pen kásipker J.Sákenov sottaldy. Almaty qalalyq sotynyń anyqtaýynsha, olar alaıaqtyqqa oqtalǵany jáne Almaty qalasy kásiporyndarynyń biri dırek­tory­nyń qylmystyq isin toqtatý maq­satynda quqyq qorǵaý organdarynyń qyzme­tkerlerine 10 mln teńge kóleminde para berýge ıtermelegeni úshin kináli dep tanyldy.

Sot úkimimen eki azamat mem­lekettik organdar men kvazımem­lekettik sektor sýbektilerinde qyzmet atqarý quqyǵynan ómir boıyna aıyryla otyryp, aldaǵy 7 jyl ómirin temir tordyń arǵy jaǵynda ótkizetin boldy. Sot úkimi zańdy kúshine endi.

О́zge óńirlerge eldiktiń úlgisin kór­setýge tıis Astananyń ózinde qoly men quryǵy uzyn «shortan­dardyń» sybaılas jemqorlyq­pen ustalyp jatqan oqıǵalaryn jıi kózimiz shalady. Sonyń biri – «saqaldy» qurylysqa aınalǵan «Astana LRT» aınalasynan daý arylmaı tur. Birneshe jyl bo­ıyna turalap qalǵan nysannyń ózi kóńilge kóp kúdik uıalatady. Qazirgi tańda Sybaılas jemqorlyqqa qarsy is-qımyl agenttigi «Astana LRT» JShS-nyń burynǵy basqar­ma tóraǵasy Talǵat Ardanǵa qa­tys­ty qylmystyq isti tergep jatyr. Aýyr qylmys jasaǵanyn bildi­retin dálel­der kúdikti T.Ardan áreket­terin Qylmystyq kodekstiń 361-baby 4-bóligi 3-tarmaǵy bo­ıynsha saralaýǵa múmkindik ber­di. Al ótken aptada Qylmystyq-pro­sestik kodekstiń 208-baby 1-bóligine sáıkes kúdikti jaýap alýǵa shaqyrtyldy.

Alaıda T.Ardan elden tys jerde bolýyna jáne kelýden jaltarýyna baılanysty Sybaılas jemqorlyqqa qarsy is-qımyl agenttigi QPK-niń 205-babynyń 3-bóligin basshylyqqa ala otyryp, kúdiktini shaqyrý týraly habarlamany buqaralyq aqparat quraldarynda jarııalaǵan bolatyn. Jaýap alý jáne kúdiktiniń is-áreketin saralaý týraly qaýlyny jarııalaý úshin T.Ardan 2024 jyly 23 tamyzda saǵat 09:00-de Astana qalasy, Qabanbaı batyr dańǵyly, 19, «B» blogi mekenjaıynda ornalasqan Sybaılas jemqorlyqqa qarsy is-qımyl agent­tiginiń ákimshilik ǵımaratyna jedel-tergeý tobynyń basshysy J.О́tepqalıevke kelýi qajet bolatyn. Alaıda agenttiktiń baspasóz qyzmetinen bilgenimizdeı, kúdikti kezdesýge kelmegen.

Aıta ketsek, T.Ardan tergeý áreket­­terine qatysý úshin qor­ǵaý­shyny derbes shaqyrýǵa ne qyl­mystyq prosesti júrgizýshi organ­n­yń qorǵaýshynyń qatysýyn qamta­ma­syz etýi týraly ótinish berýge quqyly (QR QPK 68-baby). Eger qor­ǵaýshyny kúdikti nemese onyń zań­dy ókilderi, sondaı-aq olardyń tap­syr­malarymen basqa adamdar shaqyr­masa, qorǵaýshynyń qatysýyn qyl­mystyq prosesti júrgizetin organ qamtamasyz etedi (QR QPK 67-baby).