Qaraǵandyda 6 kólik soqtyǵysqan jantúrshigerlik jol apaty boldy, dep habarlaıdy Egemen.kz.
Apat saldarynan bir adam qaza tapty.
Qaraǵandydaǵy Amanjolov kóshesinde jappaı jol apaty boldy.
Áleýmettik jelide oqıǵanyń kadrlary paıda boldy. Beınejazbada synǵan jáne búlingen kólikterdi kórýge bolady. Oqıǵanyń kýágeri soqtyǵys kezinde zardap shekkenderdiń biri kólikten ushyp ketkenin aıtady.
Oqıǵanyń mán-jaıyn polısııa qyzmetkerleri anyqtap jatyr. Qaraǵandy oblysynyń PD baspasóz qyzmeti jol apatyna qatysty qylmystyq is qozǵalǵanyn atap ótti.
- Tıisti saraptamalar taǵaıyndaldy. Tergeý júrgizilip, jaǵdaı anyqtalyp jatyr. Qaraǵandy oblysynyń PD júrgizýshilerdi jol qozǵalysy erejelerin qatań saqtaýǵa, jyldamdyq rejıminen aspaýǵa shaqyrady, - dep habarlady Qaraǵandy oblysy PD baspasóz qyzmeti.