Búgin úkimet otyrysynda kúni keshe taǵaıyndalǵan Týrızm jáne sport mınıstri Erbol Myrzabosynov ant qabyldady, dep jazady Egemen.kz.
«Qazaqstan halqy men Prezıdentiniń aldynda bar kúsh-jigerim men bilimimdi Otanymnyń órkendeýine arnaýǵa, memlekettiń Konstıtýsııasy men zańdaryn qatań saqtaýǵa saltanatty túrde ant etemin. О́zimniń barlyq is-áreketterimde zańdylyq pen ádilettilik, azamattyq, ultaralyq jáne konfessııaaralyq kelisim qaǵıdattaryn ustanýǵa. Qazaqstan halqyna adal qyzmet etýge, elimniń memlekettiligi men álemdik qoǵamdastyqtaǵy bedelin nyǵaıtýǵa ant etemin», dedi Erbol Myrzabosynov.
QR Premer-mınıstri Oljas Bektenov jańa mınıstrdiń qyzmetine tabys tiledi.