Sıfrlyq damý mınıstri «Otbasy máseleleri, áıelder men balalardyń quqyqtaryn qorǵaý jónindegi 111 baılanys ortalyǵyn anyqtaý týraly» buıryqty bekitti, dep habarlaıdy Egemen.kz.
2024 jylǵy 13 qyrkúıekte kúshine enetin buıryqqa sáıkes, «Azamattarǵa arnalǵan úkimet» memlekettik korporasııasy» kommersııalyq emes aksıonerlik qoǵamy baılanys ortalyǵy bolyp belgilengen.
«111 baılanys ortalyǵy aqparattyq tehnologııalar salasyndaǵy ýákiletti organ belgileıtin zańdy tulǵa bolyp sanalady», delingen qujatqa berilgen túsiniktemede.
Buıryq «Qazaqstan Respýblıkasynyń keıbir zańnamalyq aktilerine áıelderdiń quqyqtaryn jáne balalardyń qaýipsizdigin qamtamasyz etý máseleleri boıynsha ózgerister men tolyqtyrýlar engizý týraly» zańyn iske asyrý aıasynda qabyldandy.
Bul zańmen «Neke (erli-zaıyptylyq) jáne otbasy týraly» kodekske ózgerister men tolyqtyrýlar engiziledi, onyń ishinde «111» baılanys ortalyǵy uǵymy engiziledi.