Bıyl «Altyn qalam» ádebı júldesiniń bastaý alǵanyna 15 jyl tolyp otyr. Osy aıtýly dataǵa oraı, araǵa úsh jyl salyp baryp, ádebı ortada tanymal, tek qazaq tilinde ótetin baıqaý jańa maýsymyn jarııalady, dep habarlaıdy Egemen.kz.
Aldymen «Altyn qalam» baıqaýy ádebı shyǵarmalarǵa jazýshylar emes, oqyrmandar baǵa beretin Qazaqstandaǵy birinshi ádebı júlde ekendigin eske sala ketýge bolady.
Júldeli oryndardan talasty týyndylar qyrkúıektiń 05-nen bastap, qarashanyń 20-ne deıin qabyldanady. Osy aralyqtar oqyrmandar «Jyldyń úzdik balalar shyǵarmasy», «Jyldyń úzdik poezııasy», «Jyldyń úzdik prozasy», «Jyldyń úzdik satırasy», «Jyldyń úzdik fantastıka jáne detektıv shyǵarmasy», «Jyldyń úzdik kınossenarııi men dramatýrgııasy» syndy ataýly syılyqtarǵa laıyqty deıtin shyǵarmalarǵa daýys beredi.
Qalam ustaǵan qaýymdy qarjylyq turǵyda qoldaýdy kózdeıtin «Altyn qalam 2024» ádebı júldesiniń demeýshisi – Nurlan Smaǵulov qory bolsa, bas aqparattyq seriktesi – «Rýsskoe radıo».
О́z kezeginde jobaǵa Qazaqstan baspasóz klýby, «KTK», «31 telearna», «Almaty.tv», Turan TV, Shalqar radıosy, «Standadr.kz» YouTube arnasy, «Sapaly Qazaqstan» portaly, «Marwin» dúkender jelisi men Qazaqstan Medıa Akademııasy .
Sonymen alǵashqy kezeńde shyǵarmalar www.aqalam.kz veb-saıtynda irikteledi. Al www.aqalam.kz saıtyndaǵy onlaın-daýys berý 3 aı boıy jalǵasady. Daýys berý aıaqtalǵan soń ár atalym boıynsha 6 shyǵarma tańdap alynady. Saıystyń ekinshi kezeńine oqyrmandar tarapynan eń kóp upaı jınaǵan shyǵarmalar jáne qazylar nazaryna ilingen týyndylar ótedi. Aqtyq irikteý satysynda qazylar árbir nomınasııa boıynsha jeńimpazdardy jasyryn daýys berý arqyly anyqtaıdy. Saıys barysynda shyǵarma avtorlary kórsetilmeıtindigin atap ótken jón.
Sonymen «Altyn qalam» júldesiniń dúnıege qalaı kelgenine toqtalatyn bolsaq, qazaq ádebıetiniń búgini men bolashaǵyna beı-jaı qaraı almaıtyn, qoǵamdyq qyzmettiń ár salasynda eńbek etip júrgen Dosym Satpaev, Qýat Dombaı, Kenje Jumanuly, Rasýl Jumaly jáne Aıdos Sarym sekildi azamattar aqyldasa kelip, 2009 jyly «Altyn qalam» ádebı júldesin ótkizý týraly bastama kótergen bolatyn.
Aıta ketetin jaıt, kóptiń talqysyna usynylǵan ádebı shyǵarmalardyń avtory kórsetilmeıdi. Mundaı talaptar júldeniń ádil ótýine kepil bola alady.
Ádebı týyndylardy uıymdastyrý komıtetiniń altynqalam@yandex.kz elektrondyq poshtasyna joldaýǵa, baýqaý týraly egjeı-tegjeıli málimetti júldeniń www.aqalam.kz resmı saıtynan bilýge bolady.