Otandyq agenttik marapaty

«ENAEE» – Eýropanyń, Oń­tústik jáne Soltústik Amerıka men Ortalyq jáne Ońtústik-Shyǵys Azııanyń jıyrmadan astam agenttigin qamtıtyn je­tekshi eýropalyq ınjenerlik bilim berý akkredıtteý jelisi. «ENAEE Authorized Agency Award 2024» baıqaýynda ınjenerlik bilim sapasyn qamtamasyz etýge jáne ınjenerlerdi daıar­laýǵa úles qosqan komanda jeńim­paz dep tanyldy.

Ortalyq Azııa bilim júıesin akkredıtteý qaýymdastyǵynyń pre­zıdenti, professor Ábdimútálip Ábjapparovtyń aıtýynsha, eshqandaı balamasy joq «ENAEE» baıqaýy bıyl alǵash ret ótip otyr.

Ortalyq Azııanyń bilim júıesin akkredıtteý qaýym­das­tyǵy Eýropalyq odaqtyń «Ortalyq Azııadaǵy ınjenerlik bilim sapasy» jobasy aıasynda qurylǵan edi. Bul jobaǵa elimizden bólek, О́zbekstan, Qyrǵyzstan, Tájikstan, sondaı-aq Italııa, Belgııa, Germanııa, Portýgalııa jáne Ulybrıtanııadan kelgen seriktester qatysty. Basynan bas­tap bizdiń maqsatymyz Ortalyq Azııa joǵary oqý oryndarynyń eýropalyq seriktestermen tyǵyz qarym-qatynasy men akkredıtteý standarttaryn «ENAEE»  ha­lyq­aralyq ta­lap­ta­ry­men sáı­kestendirý boldy. Biz bilimi­miz­di eń joǵary halyqaralyq standarttarǵa saı ustaýǵa tyrysamyz. Qazir «ENAEE» quramyna AQSh-tyń da akkredıtteý agenttigi «ABET» kiredi. Bul – bizdiń talaptarymyz ben sharttarymyzdyń tek eýropalyq emes, Halyqaralyq Injenerlik Alıanstyń standarttaryna sáı­kes keletinin kór­se­te­di», dedi Á.Ábjapparov.

Bul joǵary marapat Ortalyq Azııa bilim júıesin akkredıtteý qaýymdastyǵynyń eýropalyq joǵary bilim keńistigindegi jetekshi orny men bedelin kórsetedi. Byl­tyr jeltoqsanda «KAZSEE» Qazaq­standaǵy zamanaýı bilim qaýymdastyǵy Almaty kelisimi sheńberinde bilim berýdi akkredıtteý jónindegi Ortalyq Azııa qaýymdastyǵy bolyp qaıta qu­rylǵan edi. Onyń qyzmeti Ortalyq Azııany Eýropalyq odaqpen yqpaldastyrýǵa baǵyt­talǵan.

Ortalyq Azııa bilim júıesin  akkredıtteý qaýymdastyǵy jo­­ǵary oqý oryndarynyń tú­lek­­terine halyqaralyq eńbek na­ry­­ǵyndaǵy suranysty qam­ta­ma­syz ete otyryp, Qazaqstan men Ortalyq Azııadaǵy bilimniń eń joǵary halyqaralyq stan­darttarǵa sáıkes kelýine umty­lady.