Mysyrdyń Aleksandrııa qalasynda ınformatıkadan IOI-2024 halyqaralyq olımpıadasy márege jetti. Halyqaralyq bilim báıgesinde el órenderi úsh kúmis jáne bir qola medalǵa qol jetkizdi, dep jazady Egemen.kz.
IOI-2024-ke 90 memleket úmit artqan 350 oqýshy qatysty.
Qazaqstan quramasy sapynan Almaty qalasyndaǵy Respýblıkalyq fızıka-matematıka mektebiniń 10-synyp oqýshysy Maksım Soı, Atyraý oblystyq №1 «Bilim-Innovasııa» lıseı-ınternatynyń 11-synyp oqýshysy Mansur Taımas, Almaty qalasyndaǵy mekteptiń 11-synyp oqýshysy Nazar Serazıtdınov kúmis medal ıelendi. Al Qyzylorda oblystyq «Bilim-Innovasııa» lıseı-ınternatynyń 10-synyp oqýshysy Ahmet Isa qola júlde qanjyǵalady.
Oqý-aǵartý mınıstrligi shákirtterin joǵary jetistikterge jetelegen komanda jetekshileri Temirlan Satylhanov pen Aıbar Qýanyshbaıǵa rızashylyǵyn bildirdi.
Aıta keteıik, jalpy bilim beretin pánder boıynsha halyqaralyq olımpıadalardyń jeńimpazdary men júldegerlerine, olardy daıyndaǵan pedagogtarǵa birjolǵy syıaqy beriledi. Osy synda kúmis medal enshilegen 3 oqýshyǵa – 1000 AEK, qola medal ıelengen 1 oqýshyǵa – 500 AEK mólsherinde aqshalaı syıaqy tabystalady.