Kásipker salyp bergen jataqhana

Memleket basshysy Qasym-Jomart Toqaev «Ádiletti mem­le­ket. Birtutas ult. Berekeli qo­­ǵam» Joldaýynda: «Kelesi ma­ńyzdy másele – stýdentterdi ja­taqhanamen qamtamasyz etý. Bul túıtkildi sheshý úshin joǵary oqý oryndarymen jáne qurylys kompanııalarymen memlekettik-jekemenshik seriktestik ornatý tásilin barynsha engizý kerek» degen edi.

Mine, Prezıdenttiń osynaý tapsyrmasyn oryndaý maqsa­tyn­da «SUNRISE CY» JShS Shym­kent­tiń ortalyǵynan memleket­tik-jekemenshik seriktestik aıasyn­da 550 oryndyq jataqhana salyp berdi. Endi ony M.Áýezov atyndaǵy OQÝ stýdentteri paıdalanady. Jýyrda jańadan boı kótergen jataqhananyń ashylý rásimi ótti.

M.Áýezov atyndaǵy OQÝ-diń áleýmettik jáne tárbıe jumysy jónindegi prorektory Ǵanı Bes­baevtyń aıtýynsha, Ǵylym jáne joǵary bilim mınıstrligi, ýnıversıtet pen «SUNRISE CY» serik­testigi arasyndaǵy úshjaqty keli­sim nátıjesinde, osy jataqhana boı kótergen.

«Zertteýshi mártebesin al­ǵan M.Áýezov atyndaǵy OQÝ-dyń jeke ıeliginde burynnan kele jatqan óziniń 4 jataqhanasy bar. Sonymen qatar memlekettik-je­ke­menshik áriptestigi aıasynda ta­ǵy 4 jataqhanany salyp ber­gen kompanııalarmen kelisimshart­qa turdyq. Sonyń biri – búgin saltanatty ashylýy bolǵan «SUNRISE CY» seriktestiginiń stýdentter úıi. Aıta ketý kerek, oqý ornynyń 1 600 stýden­ti jataqhanamen qamtamasyz etilgen. Jalpy oryn sany 2 200 bolatyn 4 jataqhanaǵa qalǵan stýdentterdi ornalastyrýǵa tolyq jaǵdaıymyz jetedi. Al mynaý jańa ǵımaratqa 100 pa­ıyzdaı stýdentter toldy. Sondyqtan ýnı­versıtette jataqhana máse­lesi tolyǵymen sheshilgen dep aı­týǵa bolady. Stýdentter turatyn bul ǵımarattyń ereksheligi, mun­da ár bólmede jýynatyn oryn qarastyrylǵan. Barlyq ból­mede bir-bir kondısıonerden qoıyl­ǵan. Wi-Fi jelisi istep tur. О́zi­niń jeke kitaphanasy bar. Qoryta ­aıt­qanda, barlyq jaǵ­daı jasalǵan. Stýdentke tek bos ýaqytyn tıimdi ótkizip, bilim alý ǵana qaldy», dedi prorektor.

Rasynda, stýdentter, magıst­ranttar jáne doktoranttarǵa ar­­nalǵan jańa jataqhana qonaq­úı úlgisinde salynǵan eken. Ýnı­versıtet ókili aıtyp ótkendeı, ár bólmesi turmystyq tehnıkalar­men, jıhazdarmen jabdyq­tal­ǵan. Oqý zalymen birge demalys­ aımaǵynda shaǵyn kıno­teatr da qarastyrylypty. Eń bas­tysy, jataqhana ýnıversıtet­ke jaqyn mańda ornalasqan. Ol stýdentterdiń sabaqtan soń ýaqytyn jolǵa shyǵyndamaýy úshin de mańyzdy.

Saltanatty jıynda polısııa general-maıory Jeńisbaı Sultanov pen Shymkent qalalyq ardagerler uıymynyń tóraǵasy Kenjehan Tólebaev sóz sóılep, quttyqtaý lebizderin arnady.

«Búgingi urpaq baqytty. О́ıt­keni qazir stýdentter osyndaı qo­naqúıge bergisiz jataqhanada turyp jatyr. Bizdiń kezimizde ol arman edi. Sondyqtan memleket­­tiń senimin aqtap, adal azamat bolyp ­keleshekte elge eńbekterińdi sińi­redi degen senimdemiz. Kórip otyrmyz, stýdentterge barlyq jaǵ­daı qarastyrylypty. Endi tek qal­ǵa­ny oqý bolyp tur. Eldiń bolasha­ǵy sendersińder, sol úshin jaq­sy oqyp, óz mamandyqtaryńnyń myqty ıesi bolýǵa shyn júrekten tilektespin. Osy oraıda ǵımaratty salyp, stýdentterge tartý etken kompanııaǵa alǵys bildiremin. Árı­­ne, jataqhana emes, basqa bir nysan salyp paıda tabýǵa da bolady. Biraq kásipker Batyrbek Kósherbaı bastaǵan kompanııa tek tabysty oılamaı, jas urpaqtyń qamy úshin osyndaı jataqhana salýymen qaltaly azamattarǵa úlgili is jasady. Toqsanynshy jyldary qıyndyq kezeńi boldy. Bir qoǵamnan ekinshi qoǵamǵa ótý el úshin ońaıǵa soqpady. Ne­bir soqpaqtarmen júrýge týra keldi. Alaıda aǵa urpaq eńbeginiń arqasynda sonyń bárin eńserip shyqty. Endigi mindet sol joldy jalǵastyryp, eldiń kórkeıýine aıamaı ter tógý myna jastar­dyń moınyna artylǵaly tur. Sol jaýapkershilikti zor senimmen ar­qalap ótesizder degen úmittemin», dedi abyz aqsaqal, polısııa general-maıory J.Sultanov.

Al Shymkent qalalyq arda­ger­ler uıymynyń tóraǵasy K.Tó­le­baev óz sózinde jataqhana máse­lesin Prezıdent tapsyrmasyna sáıkes osylaı memlekettik-je­ke­menshik seriktestigi aıasynda túbegeıli sheship tastaýǵa bolatynyn málimdedi.

«Buryn stýdentterdiń jataqhanada jatýy sırek edi. Kóp­shiligi kýrstastarmen birigip páter jaldap turatyn nemese týma-týysty jaǵalaıtyn. Bul jaǵ­daı bertinge sheıin oryn alyp keldi. Endi qazir ahýal kishkene ózgere bastady. Jataqhanalar boı kóterip stýdentter qymbat páter jaldaý aýyrtapylyǵynan quty­la bastady. Sol úshin de búgingi tańda elimizde júrgizilip jatqan áleýmettik qamsyzdandyrý, bilim salasyndaǵy ońdy reformalar­dyń sátti júzege asyrylyp jat­qa­ny­na óte rızamyz. Sózimdi stýdentterge osy qamqorlyqty baǵa­lap, el úmitin aqtaı bilińder degen tilekpen aıaqtaǵym keledi», dedi m­egapolıs ardagerleriniń je­tekshisi K.Tólebaev.

Sondaı-aq ǵımarattyń ashylý rásiminde sóz alǵan «SUNRISE CY» JShS dırektory Beksultan Úsipáli men qurylys jobasynyń jetekshisi Beksultan Batyrbek stýdentterdiń janaryndaǵy shat­tyqty kórip qýanǵanyn, al­daǵy ýaqytta da áleýmettik mańyz­dy nysandardy salý boıynsha mem­lekettik-jekemenshik serik­testigi aıasynda jumystaryn kúsheıte beretinderin jetkizdi.

Sonymen, joǵaryda aıtyp ótkenimizdeı, M.Áýezov atyn­daǵy Ońtústik Qazaqstan ýnı­ver­sıtetiniń jańa jataqhanasy – mem­lekettik-jekemenshik árip­testik aıasynda paıdalanýǵa be­­ril­gen tór­tinshi jataqhana. Aıta­ ketý kerek, respýblıka­­nyń úshinshi megapolısi elimiz­­degi jas­­tar sany eń kóp óńirler­diń qa­taryna kiredi. Sondaı-aq sha­har­da bilim sapasy boıynsha jo­ǵary reıtıngtiń tiziminde tur­ǵan irgeli ýnıversıtter barshylyq. Ol jerde búginde myńdaǵan stýdent bilim alyp jatyr. Sondyq­tan jataqhana máselesi qoǵamnyń áleý­mettik salasynda birinshi kezekke kóterilýi – zańdy quby­lys. Deıturǵanmen elimizde qolǵa ­aly­nǵan memlekettik-jekemen­shik áriptestigi bul máseleni búgin­de ońtaıly sheship jatqanyn kórip otyrmyz.