Búgingi tańda Kópfýnksıonaldy oblystyq balalar aýrýhanasynda ınfeksııadan zardap shekken 43 bala saýyǵyp shyǵýyna baılanysty emderin aıaqtap, úılerine oraldydep jazady Egemen.kz aqparat agenttigi.
Olardyń bári ambýlatorııalyq baqylaýǵa alynǵan jáne barlyǵynyń jaǵdaıy jaqsy. Bul týraly QR Densaýlyq saqtaý mınıstrliginiń baspasóz qyzmeti málimdedi.
Stasıonarda 53 bala emin jalǵastyrýda, olardyń jaǵdaıy da turaqty, ómirine qaýip tónip turǵan joq.
Aýrý shyqqan kezden bastap (2024 jylǵy 6 qyrkúıekten beri) óńirdiń medısınalyq mekemelerine Mańǵystaý oblysy Munaıly aýdanyndaǵy «№ 8 jalpy bilim berý mektebi» MKK-nyń qyzýy kóterilgen, ishi ótken, loqsyp, álsizdik baıqalǵan 466 oqýshysy qaralǵan bolatyn. Sonyń ishinde 96 bala qajetti medısınalyq kómekti alý úshin aýrýhanaǵa jatqyzyldy.
Naýqastarǵa tıisti medısınalyq kómek kórsetildi. Sonymen qatar sol jerde naýqastardy emdeýge kómek kórsetý boıynsha Astana medısınalyq ýnıversıtetiniń ınfeksıonısteri men gastroenterologtary, QR Densaýlyq saqtaý mınıstrligi shuǵyl medısına Ulttyq úılestirý ortalyǵynyń mamandary jumysyn jalǵastyryp jatyr.
Eske salaıyq, oqýshylardyń jappaı astan ýlaný deregi Mýnaıly aýdanynda tirkeldi. 6 qyrkúıek kúni keshten bastap №8 mekteptiń 21 oqýshysy jedel járdem shaqyrǵan. Balalardyń báriniń ishi aýyryp, dene qyzýy kóterilgen. Soǵan baılanysty quzyrly organ ókilderimen birlesken arnaıy shtab qurylyp, qylmystyq is qozǵaldy.