Qazaqstanda Qarýly Kúshterdi kelisimshart boıynsha jasaqtaý júıesi 2002 jyldan bastap kezeń-kezeńmen engizilgen bolatyn. Qazirgi ýaqytta Qarýly Kúshterimizdegi áskerı qyzmetshilerdiń 74 paıyzy kelisimshart boıynsha qyzmet etýde. Munyń mólsheri jyl saıyn 4-5 myń adamǵa ulǵaıyp keledi.
Kelisimshart boıynsha qyzmetke qabyldanatyn áskerı qyzmetshiler memleket tarapynan qomaqty áleýmettik qoldaý kóredi. Kelisimshart boıynsha áskerı qyzmetshi men onyń otbasy músheleri turǵyn úımen qamtamasyz etiledi nemese ony jaldaǵany úshin ótemaqy alady. Jekeshelendirý quqyǵy barlardan basqasy áskerı qyzmetten bosaǵan jaǵdaıda qyzmettik turǵyn úıdi qaıtarady.
Sonymen qatar, tegin medısınalyq qyzmet kórsetý kózdelgen. Jıyrma jyldan artyq eńbek sińirip, qyzmetten bosatylǵandar áskerı-medısınalyq mekemelerde tegin emdelýin jalǵastyrady, al jıyrma bes jyldan asa qyzmet etkender sanatorıılik-kýrorttyq emdelýmen qamtamasyz etiledi.
Turǵyn úı berilýi men tegin medısınalyq qyzmet kórsetýden basqa, kelisimshart boıynsha áskerı qyzmetshi men onyń otbasy músheleri basqa orynǵa kóshken jaǵdaıda áýe, temirjol, sý joly jáne avtomobıl kólikteri qyzmetterin tegin paıdalana alady, balalaryna balabaqshadan kezekten tys oryn beriledi.
Kelisimshart boıynsha qyzmet – sanaly túrde jáne kásibı negizde erikti Otan qorǵaýshy bolý múmkindigi. Búgingi tańda Qazaqstan armııasy aralas jasaqtaý qaǵıdatyn ustanyp keledi.
«Egemen-aqparat».