Aral aýdanynyń turǵyndary «Taza Qazaqstan» ekologııalyq aksııasy aıasynda Qambash kóliniń jaǵalaýyn tazalady, dep habarlaıdy Egemen.kz.
Kól jaǵasyn qoqystan tazartýǵa memlekettik qyzmetkerler, eriktiler, belsendi jastar, aýyl turǵyndary atsalysty. Olar turmystyq qoqystardy jınap, jaǵalaýdy qýraǵan butaqtar men aram shópterden tazartty. Birlesken jumystyń nátıjesinde 5 tonnadan astam qoqys shyǵaryldy.
Aýyl turǵyny Jomart Beketov atalǵan aksııaǵa aýyl turǵyndarynyń judyryqtaı jumylyp, belsene qatysyp júrgenin aıtady.
«О́ziniń turatyn jerin taza ustaý ár adamnyń boryshy dep biletin aýdan turǵyndary «Taza Qazaqstan» aksııasynan syrt qalmaı, barlyǵy qoldarynan kelgenshe úlesterin qosyp jatyr. Árkim tek óz úıiniń aýlasyn tazalap qoımaı qoǵamdyq oryndardy da birlese tazalaýda. Atańnan mal qalǵansha, tal qalsyn dep aǵash kóshetterin otyrǵyzýda», dedi J.Beketov.
Aýdandaǵy tazalyq jumysyna 26 tehnıka jumyldyrylyp, 1630 tonna qoqys shyǵarylǵan, 4000 ǵa jýyq aǵash otyrǵyzylǵan.
Sonymen qatar Qarmaqshy aýdanynda da tazalyq aksııasy ótkizildi. Ekologııalyq sharaǵa bir jaǵadan bas, bir jeńnen qol shyǵara otyryp kirisken halyq «Qorqyt ata» eskertkishiniń aınalasyn tazalady.
Aýdandyq máslıhattyń, Ardagerler keńesiniń, Qoǵamdyq keńes jáne Áıelder keńesiniń tóraǵalary aýdan turǵyndaryn tabıǵatty aıalaýǵa shaqyrdy.
Shara sońy V Dúnıejúzilik kóshpeliler oıyndaryn qoldaýǵa arnalǵan merekelik sazdy sharaǵa ulasyp, respýblıkalyq aksııaǵa atsalysqan belsendiler marapattaldy.