*Byltyr memleketimiz 2 mlrd. 9 mln. kVt/saǵat elektr energııasyn eksporttady. Energetıka mınıstri Vladımır Shkolnıktiń sózine qaraǵanda, «jasyl» ekonomıkaǵa ótý tujyrymdamasyna sáıkes, jańǵyrtylǵan energııa kózderinen alynatyn qýatty 2020 jylǵa qaraı – 3, al 2030 jyly 10 paıyzǵa arttyrý josparda tur.
*Elimizde «Invataksı» qyzmeti jylyna 10 myńǵa jýyq ótinim boıynsha qyzmet kórsetedi. Densaýlyq saqtaý jáne áleýmettik damý vıse-mınıstri Svetlana Jaqypovanyń aıtýynsha, 2014 jyly salanyń jumysyn qamtamasyz etý úshin 181 mln. teńge qaralǵan. Onyń 90 mln. teńgesi respýblıkalyq, qalǵan bóligi jergilikti bıýdjet esebinen bólingen.
*Bıyl Astanada 3 qosalqy elektr stansasy iske qosylady. Qalalyq energetıka basqarmasy málim etkendeı, bul stansalar barlyq nysandar men kásiporyndardy elektr energııasymen úzdiksiz qamtamasyz etýge baǵyttalǵan is-sharalar aıasynda salynady.
*Qaraǵandyda aýyr júk kóteretin krandar qurastyrylyp jatyr. О́ńirdegi «Optım-kran Qazaqstan» JShS quny 390 mln. teńgelik, jyldyq qýaty 30 kran daıyndaýǵa jetetin jańa jobany iske asyrýda. Bas ınjeneri Denıs Malykın kásiporynǵa «Bıznestiń jol kartasy-2020» memlekettik baǵdarlamasynyń qoldaýymen qajetti qondyrǵylar satyp alynǵanyn jetkizdi. Qazir munda 70 adam jumys isteıdi.
*Ońtústik Qazaqstanda ındýstrııalandyrý kartasyna engen jobalardyń sany 223-ke jetti. Oblystyq kásipkerlik, ındýstrııalyq-ınnovasııalyq damý jáne týrızm basqarmasynyń basshysy Baqytjan Áshirbekov osy jobalardyń jalpy quny 1,2 trln. teńgeni quraǵanyn, onyń 65 paıyzy aýyldyq jerlerde júzege asyrylyp jatqanyn málimdedi.
*Aqmola oblysynda bıýst, músin jáne eskertkish shyǵaryla bastady. Oblys ákimdigi baspasóz qyzmetiniń dereginshe, Arshaly aýdanyndaǵy «Qazaqstan kórkem kombınaty «Qazart» JShS menshigindegi óndiristik kombınattyń ónimderine qazirdiń ózinde Astana men elimizdiń ózge óńirlerinen tapsyrystar túsýde. Bul jobanyń quny – 400 mln. teńge.
*Oralda qurastyrylǵan alǵashqy ushaq synaqtan ótti. Batys Qazaqstan mashına jasaý kompanııasy men AQSh-tyń Lancair fırmasy birlesip shyǵarǵan Lancair IV áýe kóliginiń qýaty 700 at kúshine teń. Úsh jolaýshyǵa eseptelgen ol 2 myń shaqyrymǵa ushyp bara alady. Jyldamdyǵy saǵatyna 500 shaqyrym. Buǵan memleket tarapynan qarjy jumsalmaǵan. Bul – týrbovıntti dvıgateli bar, kómirsýtegi materıalynan jasalǵan Qazaqstandaǵy birinshi ushaq.
*Aqtaýda 8 myńnan astam jańa jumys orny ashyldy. Mańǵystaý oblystyq ákimdiginiń baspasóz qyzmeti atap kórsetkendeı, ótken jyly óńirde jumyspen qamtý jáne halyqty áleýmettik qoldaý úshin jergilikti bıýdjetten 773 mln. teńge qaralǵan.
Habarlar Úkimet, oblystyq ákimdikter saıttary men «QazAqparat» derekteri boıynsha daıyndaldy.