Mańǵystaý oblysy Ádilet departamentiniń orynbasary qadaǵalaý organynyń aktisin ýaqtyly qaramaǵany úshin sot qaýlysymen 8 AEK kóleminde aıyppul túrinde ákimshilik jaýapkershilikke tartyldy, dep habarlaıdy Egemen.kz.
Bas prokýratýranyń habarlaýynsha, Ákimshilik quqyq buzýshylyq týraly is prokýrordyń usynýymen qaraý merzimin retteıtin «Prokýratýra týraly» Konstıtýsııalyq zańynyń talaptaryn óreskel buzǵany úshin qozǵalǵan.Atap aıtqanda, laýazymdy tulǵa zańda belgilengen merzimge qaramastan, qalalyq prokýratýranyń usynýyn bir aıdan astam ýaqyt boıy tıisinshe qaraý jóninde sharalaryn qabyldamaǵan.
«Prokýratýranyń talabynan keıin usynýdyń qaraý qorytyndysymen 8 jeke sot oryndaýshy tártiptik jaýaptylyqqa tartyldy, memleket kirisine 11 mln teńgeden astam qarjy óndirildi. Memlekettik qyzmetker óz kinásin tolyq moıyndap, salynǵan aıyppuldy tóledi», delingen habarlamada.
Eske sala keteıik, prokýratýra aktilerin qaramaý, sol sııaqty tıisinshe oryndamaý ne prokýrordyń zańdy talaptaryn oryndamaý Qazaqstan Respýblıkasynyń zańdarynda belgilengen jaýaptylyqqa alyp keletindigi eskertiledi.