Klımattyń ózgerýi tolǵantady

NU elimizdegi «SDSN» – BUU Turaqty damý ulttyq keńsesi retinde oǵan 25 otandyq ýnıver­sıtet pen ǵylymı-zertteý ıns­tıtýty birigedi. NU provosty Ile­sanmı Adesıda atalǵan jo­ǵa­­ry oqý orny turaqty damý men klı­­mat­tyń ózgerýine qarsy kú­res qaǵı­datyn ustanatynyn aıtty.

«Klımat ózgerýine qarsy kúreste bilim men ınno­va­sııa­nyń mańyzy zor. Biz qor­shaǵan orta­ny qorǵaý máse­lelerin sheshý­ge bi­limdi kósh­bas­shylardy daıar­­­laý­dy maqsat etip otyrmyz. Son­dyqtan bizdiń stýdentter men zertteýshiler jańashyl tyń ıdeıa­­lardy dúnıege ákelip, bas­­qa­­­larǵa úlgi bolyp otyr», dedi ol.

Qazaqstandaǵy IýNISEF-tiń­ ókili, doktor Rashed Mus­ta­fa Sarvardyń aıtýynsha, eli­­mizdegi 6 mıllıonnan asa bala klımattyń ózgerýi sal­da­­rynan zardap shegedi eken. Máse­len, sonyń ishinde tabı­ǵat­tyń tosyn apattary bala den­saýlyǵy men oqýyna keri áser etedi. IýNISEF-tiń óki­li­niń piki­­rinshe, klımattyń ózge­rýi­ne qarsy jergilikti deńgeıde uıym­­­dastyrylǵan is-shara­lar álem­­­di alańdatyp otyr­ǵan máse­­­­­le­ni sheshýge aıtar­lyqtaı úles qospaq.

«Klımattyń ózgerýine qar­sy IýNISEF úkimet pen jas­­tardy, akademııalyq ortany, seriktesterimiz ben qaýym­das­­tyqtardy tolyq qoldaıdy. Biz jastardyń osy ba­ǵyttaǵy bel­­sendiligine jol ashsaq deı­miz. Indýstrııaǵa deıingi dáýir­den bergi jahandyq tem­pe­ra­tý­ra Selsıı bo­ıynsha sha­ma­­­men 1,1 gradýsqa kóterildi. Al 2030 jylǵa qaraı taǵy da 1,5 gradýsqa kóterilmek. Bir­qa­­tar aımaqta temperatýra 35 gra­dýstan joǵary qalyptan tys ystyq bolǵanyn baıqadyq», deı­­di doktor Rashed Mustafa Sar­var.

Konferensııa barysynda qatysýshylar klımattyń ózgerý aspektilerin qozǵap, óz oı-pikirlerin ortaǵa saldy. Ásirese elimizge ózekti máse­leniń biri – Ortalyq Azııa­daǵy sý qaýipsizdigi ta­qy­­­­ry­by da tal­qylandy. Ses­sııa­ qo­ry­tyndysynda jas­tar alda­ǵy qarasha aıynda Ázer­baı­jan­nyń Baký qala­syn­da óte­tin BUU-nyń klımattyń ózge­rýi jónin­degi 28-kon­fe­ren­­sııa­­synda (COP 29) birlesken málimdeme jasaıtyn boldy.

«Ecostep» atty áleýmettik joba­nyń negizin qalaǵan. E.A.Bóketov atyndaǵy Qara­ǵan­dy ýnıversıtetiniń stýdenti Madına Ásetqyzy qazir jastardy aldymen qaıta óńdel­meıtin re­sýrs­­tardy utymsyz basqarý máse­­lesi de tol­ǵan­dyratynyn aıt­ty. «Bizdiń min­detimiz – tabı­ǵat­­­ty jáne onyń baılyǵyn biz­den keıingi urpaqqa aman saqtaý», deı­­di ol.

Sondaı-aq jıynda klımat ózgerý kelissózi barysynda jas kóshbasshylardyń róli men olardyń bastamalardy daıyndaýǵa qalaı úles qosatyny da sóz boldy.