AES salýdy qoldaý jónindegi Halyqtyq shtab Ulytaý oblysynyń turǵyndarymen kezdesip, atom elektr stansııasynyń bolashaǵyn talqylady, dep habarlaıdy Egemen.kz.
«Amanat» partııasynyń baspasóz qyzmeti málim etkendeı, Jezqazǵan qalasynda Halyqtyq shtabtyń músheleri 300-ge jýyq turǵynmen kezdesken.
О́nerkásibi damyǵan Ulytaý oblysy kóptegen ekologııalyq máselege tap bolyp otyr. Shtab músheleriniń aıtýynsha, atom energetıkasyna kóshý aýanyń lastaný problemasyn sheshýdiń tıimdi tásili bola alady, óıtkeni AES – kómir elektr stansııalaryna qaraǵanda áldeqaıda ekologııalyq turǵyda taza.
«Qazirgideı álemde resýrstarǵa, energııaǵa báseke kúsheıgen ýaqytta eldiń energetıkalyq táýelsizdigi, energetıkalyq qaýipsizdigi birinshi orynǵa shyǵyp otyr. Mundaı jaǵdaıda, orynsyz úreı men jónsiz popýlızmniń jetegine erip, AES-ke qarsylyq tanytý el bolashaǵyna jasalǵan qııanat bolar edi. Ulytaý turǵyndaryn birigip, ult bolashaǵy úshin AES qurylysyna qoldaý bildirýge shaqyramyn!», dedi atalǵan partııanyń Atqarýshy hatshysy Dáýlet Káribek.