«Daryn» memlekettik jastar syılyǵyna qujattar qabyldaý bastaldy, dep habarlaıdy Egemen.kz Mádenıet jáne aqparat mınıstrliginiń baspasóz qyzmetine silteme jasap.
Aıta keteıik, baıqaýǵa 35 jasqa deıingi, mádenıet, ǵylym, medıa jáne sportta jetistikteri bar el azamattary qatysa alady. Olar – halyqaralyq jáne respýblıkalyq konkýrstardyń, festıvaldar men túrli sharalardyń laýreattary, respýblıkalyq jáne halyqaralyq deńgeılerdegi sporttyq jarystardyń júldegerleri men jeńimpazdary, sondaı-aq atalǵan salalar men tutastaı qoǵamdy damytýǵa yqpal etken úmitkerler.Baıqaý 10 nomınasııa boıynsha ótedi:
«Ádebıet»; «Ǵylym»; «Dızaın jáne beıneleý óneri»; «Jýrnalıstıka»; «Klassıkalyq mýzyka»; «Kreatıvti bastamalar»; «Sport»; «Teatr jáne kıno»; «Estrada»; «Halyq shyǵarmashylyǵy».Úmitkerlerdi «Daryn» jastar syılyǵyna memlekettik organdar, qoǵamdyq birlestikter usynady. Jeńimpazdarǵa «Daryn memlekettik jastar syılyǵynyń laýreaty» ataǵy beriledi jáne olar dıplommen, tósbelgilermen sondaı-aq qarjylaı syılyqpen marapattalady.Eske sala keteıik, jyl saıyn syılyqty tabystaý Qazaqstan Respýblıkasynyń Táýelsizdik kúnin merekeleý aıasynda ótkiziledi. «Daryn» jastar syılyǵy 1992 jyly daryndy jastardy ǵylymı, shyǵarmashylyq, qoǵamdyq qyzmet, sondaı-aq joǵary sporttyq jetistikteri úshin memlekettik qoldaý maqsatynda taǵaıyndalǵan. Sodan beri atalǵan syılyqty túrli saladaǵy 340-tan astam azamat ıelengen.Konkýrsqa qatysýǵa qujattar 2024 jylǵy 17 qarashaǵa deıin Qazaqstan Respýblıkasy Mádenıet jáne aqparat mınıstrliginiń Jastar jáne otbasy isteri komıteti (qaǵaz nusqada) myna mekenjaı boıynsha: Astana qalasy, Mángilik el dańǵyly 10, «Mınıstrlikter úıi» ǵımaratynda (14-kireberis) qabyldaıdy. Al elektrondyq nusqany premiya.daryn@mki.gov.kz poshtasyna joldaýǵa bolady. Baılanys nómirleri: 8(7172) 74-05-25, 8(7172) 74-18-43, 8 701 170 46 54.Tolyǵyraq myna siltemeden kórýge bolady.