Qyrǵyzstannyń Kókbórú federasııasy Qazaqstan kókparshylaryn 1 qarashada Ystyqkól jaǵasynda qarymta oıyn ótkizýge shaqyrdy, dep habarlaıdy Egemen.kz.
Qyrǵyzstan Kókbórú federasııasynyń basshysy Ramıs Djýnýsalıevtyń aıtýynsha, bul usynys Qazaqstan men Qyrǵyzstan arasyndaǵy sport baılanystaryn nyǵaıtýǵa jáne adal oıyndy qamtamasyz etýge baǵyttalǵan.
«Biz daýly máselelerdi birjola joıý úshin Qazaqstan tarapyna revansh matchyn ótkizýdi usynamyz. Kórshi eldiń sportshylaryna Dúnıejúzilik kóshpeliler oıyndarynda bolǵan qurammen oıynǵa kelýdi suraımyz», dedi Ramıs Djýnýsalıev.
Eske sala keteıik, Astanada ótken Dúnıejúzilik kóshpeliler oıyndarynda Ulttyq qurama Qyrǵyzstannyń kókparshylarynan basym túsip, jeńiske jetken edi. Biraq oıyn barysynda ulttyq qurama sportshysy qarsylasyn qamshymen uryp, oıynnyń arty daýǵa ulasqan.
Sonymen qatar marapattaý rásiminde Qyrǵyzstan quramasynyń sportshylary kúmis medaldaryn birden sheship, sahnadan shyǵyp ketken edi.