N.Gogol atyndaǵy oblystyq ámbebap ǵylymı kitaphanasy torqaly toqsan jyldyq toıyn atap ótti.
Sonaý jyldary eki myńǵa jýyq kitap qorymen bastalǵan kitaphanada qazir 400 myńnan astam kitap bar.
Oblystyq mádenıet jáne qujattama basqarmasynyń muryndyq bolýymen kitaphana toıy dúrkirep ótti. 90 jyldyǵyn merekeleý aıasyndaǵy is-sharalar eki kúnge josparlanyp, shetelden kitaphana basshylary men mamandary arnaıy shaqyrtyldy. Odan bólek, aımaqtaǵy kúlli kitaphana basshylarymen qatar, Astana, Almaty qalasynan da keldi. Mereıtoıǵa aqyn, Abaı atyndaǵy Memlekettik syılyqtyń ıegeri Serik Aqsuńqaruly da kelip, ujymǵa jyly lebizin bildirdi. Mereıtoı aıasynda QR Ulttyq kitaphanasynyń dırektory, Qazaqstandyq Kitaphanalyq odaǵynyń tóraǵasy Baqytjamal Ospanova oblystyq ámbebap kitaphana dırektory Aınur Shaımuhanbetovany «Qazaqstannyń úzdik kitaphanashysy» tósbelgisimen marapattady. Mádenıet jáne aqparat mınıstrliginiń Arhıv, qujattama jáne kitap isi komıtetiniń Kitap isi basqarmasynyń basshysy Almaz Myrzahmet oblys kitaphanalaryn damytý bóliminiń basshysy Aıgúl Qarashovaǵa «Mádenıet salasynyń úzdigi» tósbelgisin tabystady.
Mádenı is-shara basy «Qaraǵandy09: erkin dıalog aımaǵy» halyqaralyq OpenTalk brıfıngimen bastaldy.
Odan soń «Jańa dáýir ádebıeti: dástúr jáne jalǵastyq» atty dóńgelek ústel ótti. Onda birshama másele qozǵalyp, oqyrmandardy qazirgi ádebıettegi qandaı tendensııalar men kitaptar qyzyqtyratyny týraly usynys aıtyldy.
Odan keıin meımandarǵa kitaphana ǵımaratyna ekskýrsııa uıymdastyryldy. Ekskýrsııa barysynda qonaqtarǵa sırek kezdesetin kitap qory kórsetildi.
Sońǵy kúni sheteldik áriptestermen shyǵarmashylyq baılanysty nyǵaıtý maqsatynda ekijaqty memorandýmǵa qol qoıyldy.
Qaraǵandy oblysy