Astanada doner tiskebasaryna talon taratqan dámhana ıesine aıyppul salyndy, dep habarlaıdy Egemen.kz.
Polısııanyń habarlaýynsha, 25 qyrkúıekte dámhananyń ashylýy men baǵasy jeńildetilgen donerlerge arnalǵan talondardy taratý kezinde halyq jappaı jınalǵan.
«Jaǵdaıdy retteý jáne janjaldyń aldyn alý úshin oqıǵa ornyna polısııa qyzmetkerleri men Esil aýdany ákimdiginiń ókilderi barǵan», dep habarlady polısııanyń baspasóz qyzmeti.
Talondardy taratqan mekeme ıesi 73 840 teńge aıyppul túrindegi ákimshilik jaýapkershilikke tartylǵan.
Aıta keterligi, jeli qoldanýshylarynyń aıtýynsha, talondardy alý úshin oqıǵa ornyna 4 myńnan astam adam jınalǵan.