Sátbaev qalasyndaǵy №292 referendým ýchaskesi Sh.Dildebaev atyndaǵy Kenshiler Saraıynda ornalasqan. Munda qalalyq «Aq ájeler» ansambli bar. Ansambldiń birneshe múshesi osy ýchaskege tirkelgen eken. Olar ózara aqyldasyp, referendýmǵa erekshe saltanatpen barýdy uıǵarypty.
«Biz óner adamdarymyz, sondyqtan daýys berýge barǵan kezde ulttyq kıim kıip, án shyrqap barǵandy durys dep sanadyq», deıdi ansambl múshesi, qalanyń Qurmetti azamaty ári ardager ustaz Aǵaısha Sádýaqasova.
Referendým ýchaskesi aldynda talantty kompozıtor, marqum Nurlan Kerimbekovtiń «Sátbaev valsi» ánin shyrqap turǵan ájeler kópshilik tarapynan qyzyǵýshylyq týdyrdy. Osylaısha, referendýmda daýys berý ulttyq kıim men qazaq ónerin dáripteýge de ulasyp jatyr.
Ulytaý oblysy