Qaraǵandy qalasyndaǵy №61 referendým ýchaskesinde qas qaraısa da belsendilik bar. Biz bul ýchaskeden oblystyq máslıhat depýtaty, sport janashyry Erden Halılın myrzany keziktirip qaldyq.
«Elimizde atom elektr stansasy qurylysyna qatysty referendým óte belsendi ótip jatyr. Táýelsiz elimizdiń azamaty retinde, men de óz tańdaýymdy jasap, daýys berdim. Bul – el tarıhyndaǵy úlken ózgeristiń alǵashqy qadamy. Álemniń aldyńǵy qatarly elderimen teń bolyp, ishki-syrtqy ekonomıkamyzdyń, bilim men ǵylymnyń damýy jolynda Elimizdiń bolashaǵy úshin jasalǵan naqty qadam dep bilemin», deıdi Erden Baltabaıuly.
Atalǵan ýchaskege tıistilerdiń jasy úlkeni de, kishisi de qalys qalmaı, jarqyn bolashaqtary úshin ýaqytyn qıyp, tańdaýlaryn jasady. Osylaısha, mańyzdy mindetke júıeli jaýapkershilik tanytty.Keshki saǵat 20:00-de saıası naýqannyń eń mańyzdy kezeńi – daýystardy sanaý bastalady. Nátıjesi jeti kún ishinde jarııalanady dep otyr.