Soltústik Qazaqstan oblysynyń polıseıleri tórt kún ishinde oblys joldarynda 23 mas júrgizýshini anyqtaǵan, dep habarlaıdy Egemen.kz Polisia.kz-ke silteme jasap.
14 qazannan bastap oblys aýmaǵynda «Mas júrgizýshi» JPISh ótkizilip jatyr. Oǵan 400-ge jýyq patrýldik polısııanyń, ýchaskelik polısııa ınspektory jáne ózge de polısııa qyzmetteriniń qyzmetkerleri qatysyp jatyr.
«Jol qaýipsizdigin nyǵaıtý boıynsha kúsheıtilgen jumystyń túbegeıli mańyzy bar. О́tken jylmen salystyrǵanda oń ózgeriske qol jetkizildi. О́tken jyly 9 aıda mas júrgizýshilerdiń kinásinen 18 jol-kólik oqıǵasy tirkelip, onda 5 adam qaza taýyp, 25 adam jaraqat aldy. Jyl basynan bastap mas avtokólik júrgizýshileri 13 jol-kólik oqıǵasynyń sebepkeri boldy, onda 16 adam jaraqat aldy», dedi SQO PD JPQ basqarmasynyń bastyǵy Álibek Ǵabdýllın.
4 kún ishinde oblys joldarynda mas kúıinde 23 júrgizýshi ustaldy. Barlyǵy 1295 túrli jol qozǵalysy erejelerin buzý anyqtaldy, onyń ishinde jyldamdyqty asyrýdyń 148 faktisi jáne jaıaý júrginshilerge kólik qozǵalysyna artyqshylyq bermeýdiń 37 jaǵdaıy anyqtaldy.