Japon jazýshysy Kendzabýro Oe 1994 jyly «aqyndyq qýaty arqyly adamzat aldyndaǵy qıynshylyqtardy aıqyndaıtyn kórkem keńistik jasap shyǵarǵany» úshin Nobel syılyǵymen marapattalady. Alaıda bul jańalyq anasyn asa qýantpaǵan sııaqty.
Jazýshy suhbatynyń birinde bylaı dep aǵynan jarylady:
«Bala kezimde men anama Nobel syılyǵyn alamyn dep ýáde berdim. 50 jyldan keıin anama: «Kórdińiz be, men ýádemdi oryndadym. Men Nobel Syılyǵyn aldym», desem, «Joq, sen Nobeldi fızıkadan alamyn dep ýáde bergensiń», dep kúlgen edi anam».
Shamasy jazýshynyń anasy balasynyń fızık bolǵanyn qalaǵan shyǵar. Iá, bul jaı ǵana jarasymdy ázil. Áıtpese balasy báıgeniń aldynan kelse qýanbaıtyn ana bar ma?