Jezqazǵan qalasyndaǵy «Metallýrg» stadıony osydan 60 jyl buryn paıdalanýǵa berilgen edi. Oblys ortalyǵyndaǵy bul nysandy jańartyp, álemdik standartqa sáıkestendirý jumystary Respýblıka kúni qarsańynda aıaqtalyp, kópshiliktiń kózqýanyshyna aınaldy.
Stadıon Fýtbol federasııasynyń «ALAN» jobasynyń arqasynda, álemdik standarttar talaptaryna sáıkes keletin deńgeıde jóndeýden ótti. Jańa alań qalalyq, oblystyq, respýblıkalyq jarystardy, Premer-lıga oıyndaryn joǵary deńgeıde ótkizýge arnalǵan zamanaýı jabdyqtarmen qamtamasyz etilgen.
Jańarǵan stadıonnyń ashylý saltanatyna Ulytaý oblysynyń ákimi D.Ryspekov, Fýtbol federasııasynyń prezıdenti Á.Bármenqulov qatysty.
«Oblystyń «Ulytau» fýtbol klýbynyń oıynshylary endi FIFA-nyń barlyq zamanaýı standartyna sáıkes keletin fýtbol alańynda match ótkizip, jattyǵý jasaıtyn bolady», dedi quttyqtaý sózinde óńir basshysy Dastan Adaıuly.
Jezqazǵan