Astana qalasynyń qylmystyq ister jónindegi sotynda marapattaý rásimi ótti, dep habarlaıdy Egemen.kz.
Astana qalalyq sotynyń qylmystyq ister jónindegi sot alqasy tóraǵasynyń mindetin atqarýshy Aısulý Slambekova saltanatty túrde Astana qalasynyń qylmystyq ister jónindegi mamandandyrylǵan aýdanaralyq sotynyń tóraǵasy Aıjan Kólbaevaǵa vedomstvolyq nagradany tabys etti.
«Is-sharada Aıjan Kólbaeva sot júıesindegi kóp jylǵy jemisti jáne minsiz qyzmeti, sondaı-aq onyń damýyna qosqan úlesi úshin Qazaqstan Respýblıkasy Joǵarǵy Sotynyń II dárejeli «Minsiz qyzmeti úshin» medalimen marapattaldy», delingen sottyń baspasóz qyzmetiniń habarlamasynda.
Marapatty tabystaý barysynda Slambekova sot tóraǵasynyń adal qarym-qatynasyn, isterdi qaraý sapasyn atap ótip, odan ári jumysyna tabys tiledi.
Aıta ketsek, 2024 jyly 24 qazanda eks-mınıstr Qýandyq Bıshimbaevtyń isindegi prokýrorlar – Aıjan Aımaǵanova men Saıahat Nurbekov te memlekettik nagradaǵa ıe bolǵan bolatyn.