Bul týraly Sý resýrstary jáne ırrıgasııa mınıstrliginen habarlandy, dep jazady Egemen.kz.
Kelesi jylǵy sýarý maýsymyna sý jınaý rejıminde jumys istep jatqan ońtústik oblystarda sý qoımalary 55 %-ǵa toly, bul – byltyrǵymen salystyrǵanda 23%-ǵa artyq. Búginde sý qoımalary soltústikte 79%-ǵa toly, batys oblystar boıynsha ortasha sý jınaý kólemi 44%, shyǵysta 89%-ǵa toly bolsa, Ortalyq Qazaqstandaǵy sý qoımalarynda 85% sý bar.
«Barlyq sý qoımalary bekitilgen kestege saı jumys istep jatyr. Alaıda, jumys kestesi sý tasqynyna qatysty boljamdarǵa baılanysty túzetiletin bolady. Sý tasqyny kezeńine daıyndyq sheńberinde mınıstrlik barlyq oblystarǵa sý basý qaýpin azaıtý jónindegi is-sharalardyń tıimdiligin arttyratyn jersnarıadtar sekildi mamandandyrylǵan tehnıkany paıdalana otyryp, ózen arnalaryn tazartý jóninde usynys jiberdi», dedi mınıstrliktiń resmı ókili Móldir Ábdýalıeva.