Mınıstr Erjan Sádenov bastaǵan Qazaqstan Respýblıkasy Ishki ister mınıstrliginiń delegasııasy Doha qalasyna (Qatar) issaparmen bardy, dep habarlaıdy Egemen.kz.
Sapar aıasynda Katardyń Ishki ister mınıstri sheıh Halıf ben Hamad Ál Tanımen kezdesý ótti.
Kezdesýde taraptar qylmysqa qarsy kúrestegi ózara is-qımyl perspektıvalaryn, sonyń ishinde qylmystyń uıymdasqan túrlerine, esirtkiniń zańsyz aınalymyna, ekstremızmge, kıberqylmysqa qarsy kúres máselelerin, sondaı-aq adamdardy izdestirý jáne tájirıbe almasý salasyndaǵy yntymaqtastyqty talqylady.
«MILIPOL QATAR-2024» 15-shi halyqaralyq qaýipsizdik kórmesiniń aıasynda ótken Qylmysqa qarsy kúrestegi yntymaqtastyq týraly úkimetaralyq kelisimge qol qoıý sapardyń basty nátıjesi boldy.
Bul kelisim quqyq qorǵaý salasyndaǵy Qazaqstan-Katar qatynastarynyń jańa kezeńin ashyp, qaýipsizdik baǵytyndaǵy ózara is-qımyl men kúsh-jigerdi úılestirýdiń quqyqtyq negizin qalyptastyrady.