Respýblıka kúnine oraı aqparat salasyn damytýǵa erekshe úles qosyp, eleýli eńbek etip júrgen jýrnalıster marapattaldy. Ony «Qazaq gazetteri» JShS dırektory Dıhan Qamzabekuly tapsyrdy, dep habarlaıdy Egemen.kz.
Eń áýeli ulttyq mereke qurmetine Memleket basshysynyń atynan marapat alǵan gazettiń burynǵy basshylary men qyzmetkerleriniń esimi qurmetpen ataldy.
«Egemen Qazaqstan» gazetiniń burynǵy basshylary Nurlan Orazalın – «Otan» ordenin, Darhan Qydyrəli «Barys» ordenin ıelendi. Gazetimizdiń ardageri, ədebıet synshysy Qulbek Ergóbek Abaı atyndaǵy Memlekettik syılyqtyń laýreaty boldy. Sonymen qatar gazettiń kezinde Mańǵystaý oblysynda menshikti tilshisi bolǵan Temirhan Medetbek «Halyq jazýshysy» atandy. Bul azamattardyń ərqaısy bizdiń basylymnyń damýyna eleýli úles qosqan», dedi D. Qamzabekuly.
Budan keıin «Egemen Qazaqstan» gazetiniń Ulytaý oblysyndaǵy tilshisi Abdolla Dastan, Mańǵystaý oblysyndaǵy tilshisi Gúlaıym Dəýitbaı jəne Qyzylorda oblysyndaǵy tilshisi Murat Jetpisbaev «Eren eńbegi úshin» medalimen marapattaldy. Al «Kazahstanskaıa pravda» gazetiniń tilshisi Iýlııa Polonskaıa «Shapaǵat» medalin, «Egemen Qazaqstan» gazetiniń fototilshisi Erlan Omar men «Kazahstanskaıa pravda» gazetiniń fototilshisi Iýrıı Bekker Prezıdenttiń Alǵys hatyn ıelendi.
Sonymen qatar birqatar jýrnalıst «Aqparat salasynyń úzdigi» atandy. Olar: «Egemen Qazaqstan» gazetiniń aǵa tilshileri Gúlnar Joljan men Marjan Əbish, «Kazahstanskaıa pravda» gazetiniń Aqmola oblysyndaǵy tilshisi Raýshan О́teýlına jəne fototilshisi Igor Býrgandınov, kazpravda.kz saıtynyń tilshisi Gúlmıra Qunapııa. Buǵan qosa əriptesterimiz Aınur Raıymqulova men Beken Qaıratuly Mədenıet jəne aqparat mınıstrliginiń Qurmet gramotasymen, Baqytgúl Rahımbaeva Alǵys hatymen marapattaldy.