Atyraý qalalyq soty II top múgedektigi bar azamattyń tis emhanasyna qarsy bergen talap-aryzy boıynsha azamattyq isti qarady, dep habarlaıdy Egemen.kz qalalyq sottyń baspasóz qyzmetine silteme jasap.
Talap qoıýshy dárigerdiń tisti sapasyz emdeýine baılanysty qaıtadan sol emhanaǵa júgingen. Em-sharadan keıin tisi qaıta aýyrǵandyqtan, sol stomatologqa taǵy barǵan. Alaıda dáriger tisin qaramaı, tek isingen jaǵdaıda ǵana kelýin aıtyp, emdelýshini qabyldamaǵan.
Tisi isip ketkennen keıin talap qoıýshy taǵy da sol dárigerge barýǵa májbúr boldy. Bul joly dáriger oǵan oblystyq aýrýhanaǵa joldama berip jibergen. Aýrýhanada talap qoıýshyǵa bettiń irińdeýi saldarynan ota jasalyp, uzaq ýaqyt boıy em alǵan.
«Sot talqylaýy barysynda taraptar isti medıasııa tártibimen retteý týraly kelisimge keldi. Kelisim boıynsha, jaýapker JShS talap qoıýshyǵa 100 myń teńge kóleminde moraldyq zııan ótemaqysyn jáne dári-dármekke ketken shyǵyndardy óteýge mindettendi. Talap qoıýshy óz talabynan bas tartty. Sot atalǵan medıasııalyq kelisimdi bekitti, jáne bul sot aktisi zańdy kúshine endi», delingen habarlamada.