Muǵalim mıssııasy – zerdeli urpaq tárbıeleý

Jańa dıalog alańynyń al­ǵash­qy jıyny Maqsut Narik­bayev ýnı­versıtetinde ótti. Sóz basynda Májilis spıkeri, «Amanat» partııasynyń tóraǵa­sy Erlan Qo­shanov bilim sa­lasy ár kez Mem­leket basshy­sy­­nyń nazarynda ekenin atap ótti.

«Prezıdentimiz pedagogter qaýy­myna aıryqsha kóńil bóledi. Sonyń bir dáleli Res­pýb­lıka kúni qarsańynda Mem­­leket basshysy eki birdeı pedagogti «Qazaqstannyń Eńbek Eri» ata­ǵy­men marapattady. El tarıhynda tuńǵysh ret qatarynan qos us­taz osyndaı joǵary marapatqa ıe bol­dy. Sondaı-aq Qasym-Jomart Toqaev Prezıdent bolǵan kezin­de alǵashqy qol qoıǵan zańy da – «Pedagog mártebesi týra­ly» zań bolǵanyna nazar aýdar­ǵym keledi. Aıta keteıin, kóp­tegen elde mundaı jeke zań joq. Osynyń bári – bizdiń qoǵam­da us­tazdardyń mártebesin kóterýdiń naqty, aıqyn mysaly», dedi ol.

Sondaı-aq Májilis spıkeri ozat oqýshylarymyzdyń bedeldi ha­lyqaralyq baıqaýlardaǵy je­­tis­­tikterin atap ótti. Keıingi jyl­­­­dary elimiz Halyqaralyq ma­te­­matıkalyq olımpıadada 104 eldiń ishinde 25-orynnan túsken emes, al FIDE Halyqaralyq shah­mat saıysynda elimizdiń áıel­der qu­ra­masy otandyq shahmat tarı­hyn­­­da alǵash ret kúmis júldeni je­­­ńip aldy. Memleket basshysy atap ót­kendeı, zııatkerlik saıys­tar­da je­ńiske jetken oqýshy­lar­dy Olım­­pııa oıyndarynyń je­­ńim­paz­­dary syndy ulyqtaý qajet. Iаǵnı ın­tel­lektýaldy ult­ tek te­­reń bi­lim arqyly ǵana qalyp­ta­sady. 

«Búginde biz ekonomıkasy da­myǵan, ádiletti ári tabysty mem­leket qurý jolyndamyz. Onyń negizi – progressıvti, ıntellek­týal­dy ult, qýatty orta. Dál osyn­daı adam­dardy tárbıeleý – qazir­gi muǵa­limniń basty mıssııa­sy. El bola­shaǵy – ustaz qolyn­da. Osy oraı­da, depýtattyq kor­pýs pen par­tııa árqashan qas­ta­­ryńyz­dan tabylyp, barlyq basta­malaryńyzdy qoldaýǵa da­ıyn»,  dedi Erlan Qoshanov.

Sonymen qatar «Amanat» par­tııasy tóraǵasynyń aıtýynsha, kún tártibinde óz sheshimin tappaı kele jatqan máseleler de bar. Olar – úsh aýysymdy jáne apatty jaǵdaıdaǵy mektep máselesi, muǵalimderdi attestattaý kezindegi kúrdeli prosedýra, sondaı-aq mekteptegi qaǵazbastylyq. Balalar men jasóspirimder arasyndaǵy sıfrlyq táýeldiliktiń artýy da úlken alańdaýshylyq týǵyzady. Oǵan qarsy kúreste ata-analar men ustazdar qaýymynyń ózara birlesken is-áreketi qajet.

Jıyn barysynda Oqý-aǵartý mınıstri Ǵanı Beısembaev keıingi bes jylda bilim júıesi túbegeıli ózgeriske ushyraǵanyn atap ótti.

«Bul qadam muǵalimderdiń eńbek jaǵdaıyn jaqsartýǵa, bala­larǵa sapaly bilim berý ortasyn qurýǵa baǵyttalǵan. Ol óz ke­zeginde oqytý jumysyn sapaly júrgizýge yqpal etedi. 600 myńǵa jýyq pedagogtiń eńbegi joǵary baǵalanyp, olarǵa qoldaý kórsetý máselesi memleket saıasatynyń basym baǵyttarynyń birine aınaldy», dedi mınıstr.

Keleli keńeste Abaı atynda­ǵy Jambyl gýmanıtarlyq joǵa­ry kolledjindegi mýzyka páni­niń oqytýshysy Zabıda Hýda­tae­va erekshe qajettiligi bar tár­bıelenýshilermen jumys isteý kezinde pedagogtiń qandaı qıyn­dyq­tarǵa tap bolatynyna nazar aýdardy. Pedagog tárbıelegen zaǵıp stýdent Aısulý týraly oqıǵa barsha qatysýshyny tebirentti.

«Ol maǵan bilim alýǵa degen erekshe yntamen, erik-jigermen keldi. Bizdiń osynaý ortaq jolymyz túrli qıyndyqqa toly boldy. Biz bilim berýdiń jańa ádisin ázirlep, erekshe bilim alýǵa degen qajettiligi bar balalarǵa arnalǵan oqý quraldaryn daıyndadyq. Men úshin oqýshymnyń kedergilerdi jeńi­p, óz maqsatyna jetkenin kórýden artyq baqyt joq», dedi Z.Hýdataeva.

Budan soń Aqtóbe qalasyndaǵy joǵary polıtehnıkalyq kol­ledj­diń oqytýshysy Darhan Shańbaev jumysshy mamandaryn daıarlaý boıynsha óz tájirıbesimen bólisse, Almatydan kelgen qazaq ti­li men ádebıeti pániniń muǵalimi Gúl­­naz Shámı «Gadjetsiz demalys» jo­basy týraly sóz qoz­ǵa­dy. Qara­ǵan­dydaǵy Abaı atyn­daǵy mek­tep-gımnazııanyń dırek­to­ry­ Jadyra Baımoldına ba­la­lar mektepte alǵashqy ómir sy­­­na­ǵynan ótip jatqanyn, son­dyq­tan mektep olardyń ekinshi úıi­­ne aınalýǵa tıis ekenin atap ótti. Al Oral qalasyndaǵy tarıh pá­niniń muǵalimi Aleksandr Mıas­nı­kov balalardyń synı oılaý qa­biletin damytýdaǵy pikirta­las qozǵa­lysynyń mańyzyna toqtaldy. Petropavldan kelgen alǵashqy áskerı daıyndyq (AÁD) muǵali­mi Darhan Qospanov jastardy áskerde qyzmet etýge daıarlaý jumysy mektepte patrıottardy tár­bıeleýden bastalady degen se­nimde. Qyzylorda oblysy Te­reńózek aýylynan kelgen mate­matıka pániniń muǵalimi Zaman­bek Amanbekov jas árip­tes­terin aýylda jumys isteýge sha­qyr­sa, Astanadaǵy bıologııa pá­ni­niń muǵalimi Ilııas Sakımov olım­pıadaǵa daıyndyq kezinde oqý­shylarǵa qalaı qoldaý kórse­tý ke­rek ekenin jetkizdi.

Kezdesý sońynda birqatar pedagogqa kásibı qyzmetindegi eńbegi jáne qoǵamdyq jumysqa qosqan eleýli úlesi úshin «Amanat» partııasynyń «Ustaz – ult aınasy» arnaıy tósbelgisi tabystaldy.