Memleket basshysy Qasym-Jomart Toqaevtyń Fransııa Respýblıkasyna memlekettik sapary saltanatty qarsy alý rásiminen bastaldy, dep jazady Egemen.kz Aqorda baspasóz qyzmetine silteme jasap.
Memleket basshysyn áskerı orkestrdiń súıemeldeýimen Prezıdent Emmanıýel Makron qarsy aldy. Qazaqstan men Fransııanyń memlekettik ánurandary shyrqaldy.
Prezıdentter respýblıkalyq gvardııa, áýe-ǵarysh, qurlyq jáne teńiz áskerlerinen jasaqtalǵan Qurmet qaraýylynyń aldynan júrip ótti. Budan keıin memleketter basshylary Qurmet qaraýylynyń saltanatty sherýin tamashalady.
Qasym-Jomart Toqaev pen Emmanıýel Makron bir-birine resmı delegasııa múshelerin jáne qurmetti qonaqtardy tanystyrdy.